ﺍﺣﻤﺪ ﻓﺮﺍﺯ :ﺳﻠﺴﻠﮯ ﺗﻮﮌ ﮔﯿﺎ ﻭﮦ ﺳﺒﮭﯽ ﺟﺎﺗﮯ ﺟﺎﺗﮯ : ﮈﺍﮐﭩﺮ ﻏﻼﻡ ﺷﺒﯿﺮ

ﺍﺭﺩﻭ ﺯﺑﺎﻥ ﮐﮯ ﻣﻤﺘﺎﺯ ﺷﺎﻋﺮ ﺍﺣﻤﺪ ﻓﺮﺍﺯ 25 ﺍﮔﺴﺖ 2008 ﺑﺮﻭﺯ ﭘﯿﺮ ﻋﺎﺯﻡ ﺍﻗﻠﯿﻢ
ﻋﺪﻡ ﮨﻮ ﮔﺌﮯ ۔ﺍﺱ ﻧﺎﻣﻮﺭ ﭘﺎﮐﺴﺘﺎﻧﯽ ﺍﺩﯾﺐ ،ﺩﺍﻧﺶ ﻭﺭ ،ﺣﺮﯾﺖ ﻓﮑﺮ ﮐﮯ
ﻣﺠﺎﮨﺪ ،ﺳﻠﻄﺎﻧﯽﺀﺟﻤﮩﻮﺭ ﮐﮯ ﺣﺎﻣﯽ ﺍﻭﺭ ﻋﻈﯿﻢ ﺗﺨﻠﯿﻖ ﮐﺎﺭ ﮐﯽ ﻭﻓﺎﺕ ﭘﺮ ﭘﻮﺭﯼ
ﺩﻧﯿﺎ ﻣﯿﮟ ﺩﻟﯽ ﺻﺪﻣﮯ ﮐﺎ ﺍﻇﮩﺎﺭ ﮐﯿﺎ ﮔﯿﺎ۔ﻭﮦ ﮔﺮﺩﻭﮞ ﮐﮯ ﻋﺎﺭﺿﮯ ﻣﯿﮟ ﻣﺒﺘﻼ
ﺗﮭﮯ ۔ﺁﺧﺮ ﮐﺎﺭ ﮔﺮﺩﻭﮞ ﮐﮯ ﻧﺎﮐﺎﺭﮦ ﮨﻮ ﺟﺎﻧﮯ ﮐﮯ ﺑﺎﻋﺚ ﺍﻥ ﮐﯽ ﺯﻧﺪﮔﯽ ﮐﯽ
ﺷﻤﻊ ﺑﺠﮫ ﮔﺌﯽ ۔ﺍﻥ ﮐﯽ ﻭﻓﺎﺕ ﭘﺮ ﮨﺮ ﺩﻝ ﺳﻮﮔﻮﺍﺭ ﺍﻭﺭ ﮨﺮ ﺁﻧﮑﮫ ﺍﺷﮏ ﺑﺎﺭ ﮨﮯ ۔
ﺍﻥ ﮐﯽ ﺭﺣﻠﺖ ﺳﮯ ﺍﺭﺩﻭ ﺯﺑﺎﻥ ﻭ ﺍﺩﺏ ﮐﮯ ﻓﺮﻭﻍ ﮐﯽ ﻣﺴﺎﻋﯽ ﮐﻮ ﻧﺎ ﻗﺎﺑﻞ ﺗﻼﻓﯽ
ﻧﻘﺼﺎﻥ ﭘﮩﻨﭽﺎ ﮨﮯ ۔ﺍﺏ ﺩﺭﺩ ﮐﯽ ﺁﮒ ﮨﮯ ﮐﮧ ﻣﺴﻠﺴﻞ ﭘﮭﯿﻠﺘﯽ ﮨﯽ ﺟﺎﺗﯽ ﮨﮯ ۔
ﻓﻠﮏ ﭘﯿﺮ ﭘﺮﺑﮭﭩﮑﻨﮯ ﻭﺍﻟﮯ ﺳﻮﮔﻮﺍﺭ ﻣﺪﺍﺣﻮﮞ ﮐﯽ ﺁﮨﻮﮞﮑﮯ ﺑﮯ ﻓﯿﺾ ﺑﺎﺩﻝ ﺍﺱ ﺁﮒ
ﮐﻮ ﮐﺒﮭﯽ ﺑﺠﮭﺎ ﻧﮩﯿﮟ ﺳﮑﺘﮯ ۔ﺍﻥ ﮐﮯ ﻻﮐﮭﻮﮞ ﻣﺪﺍﺣﻮ ﮞ ﮐﯽ ﭘﯿﺎﺳﯽ ﺁﻧﮑﮭﯿﮟ
ﺣﺴﺮﺕ ﻭ ﯾﺎﺱ ﮐﮯ ﻋﺎﻟﻢ ﻣﯿﮟ ﺍﺱ ﺟﺎﻥ ﻟﯿﻮﺍ ﺍﻭﺭ ﻣﺎﺗﻢ ﻃﻠﺐ ﺳﺎﻧﺤﮧ ﭘﺮ ﺍﺷﮏ
ﺑﺎﺭ ﮨﯿﮟ ۔ﻏﻢ ﺟﮩﺎﮞ ،ﻏﻢ ﯾﺎﺭ ﺍﻭﺭ ﺍﻧﺴﺎﻧﯿﺖ ﮐﮯ ﻣﺼﺎﺋﺐ ﻭ ﺁﻻﻡ ﭘﺮ ﺗﮍﭖ ﺍﭨﮭﻨﮯ
ﻭﺍﻻ ﺍﻧﺘﮩﺎﺋﯽ ﺣﺴﺎﺱ ،ﺟﺮﯼ ﺍﻭﺭ ﺩﺭﺩﻣﻨﺪ ﺗﺨﻠﯿﻖ ﮐﺎﺭ ﺍﺏ ﮨﻤﺎﺭﮮ ﺩﺭﻣﯿﺎﻥ ﻣﻮﺟﻮﺩ
ﻧﮩﯿﮟ ﺭﮨﺎ ۔ﺍﻥ ﮐﯽ ﻓﻘﯿﺪ ﺍﻟﻤﺜﺎﻝ ﻋﻠﻤﯽ ﻭ ﺍﺩﺑﯽ ﺧﺪ ﻣﺎﺕ ﺍﻭﺭ ﻻﺋﻖ ﺻﺪ ﺭﺷﮏ ﻭ
ﺗﺤﺴﯿﻦ ﺗﺨﻠﯿﻘﯽ ﮐﺎﻣﺮﺍﻧﯿﺎﮞ ﺗﺎ ﺍﺑﺪ ﺩﻟﻮﮞ ﮐﻮ ﺍﯾﮏ ﻭﻟﻮﻟﮧ ﺀﺗﺎﺯﮦ ﻋﻄﺎ ﮐﺮﺗﯽ ﺭﮨﯿﮟ
ﮔﯽ ۔ﺗﺎﺭﯾﺦ ﮨﺮ ﺩﻭﺭ ﻣﯿﮟ ﺣﺮﯾﺖ ﻓﮑﺮ ﮐﮯ ﺍﺱ ﻣﺠﺎﮨﺪ ﮐﮯ ﻋﻈﯿﻢ ﮐﺮﺩﺍﺭ ﺍﻭﺭ ﻋﺰﺕ
ﻭ ﻭﻗﺎﺭ ﮐﯽ ﺗﻌﻈﯿﻢ ﮐﺮﺗﯽ ﺭﮨﮯ ﮔﯽ ۔ﺍﻧﮭﯿﮟ ﺷﮩﺮﺕ ﻋﺎﻡ ﺍﻭﺭ ﺑﻘﺎﺋﮯ ﺩﻭﺍﻡ ﮐﮯ
ﺩﺭﺑﺎﺭ ﻣﯿﮟ ﺑﻠﻨﺪ ﻣﻘﺎﻡ ﻧﺼﯿﺐ ﮨﻮ ﮔﺎ ۔ﺍﻧﮭﻮﮞ ﻧﮯ ﺣﺮﯾﺖ ﺿﻤﯿﺮ ﺳﮯ ﺟﯿﻨﮯ ﮐﮯ
ﻟﯿﮯ ﺍﺳﻮﮦﺀﺷﺒﯿﺮؓ ﮐﻮ ﺍﭘﻨﺎﯾﺎ ۔ﺗﺨﻠﯿﻖ ﻓﻦ ﮐﮯ ﻟﻤﺤﻮﮞ ﻣﯿﮟ ﺧﻮﻥ ﺑﻦ ﮐﺮ ﺭﮒ ﺳﻨﮓ
ﻣﯿﮟ ﺍﺗﺮ ﺟﺎﻧﮯ ﻭﺍﻟﯽ ﺍﻥ ﮐﯽ ﺷﺎﻋﺮﯼ ﻗﺎﺭﯼ ﮐﮯ ﻗﻠﺐ ﻭ ﻧﻈﺮ ﮐﻮ ﻣﺴﺨﺮ ﮐﺮ
ﻟﯿﺘﯽ ﮨﮯ ۔ﺍﭘﻨﯽ ﺑﯿﺎﺽ ﺷﻌﺮ ﮐﮯ ﺗﻤﺎ ﻡ ﺣﺮﻭﻑ ﮐﻮ ﻣﺤﺘﺮﻡ ، ﻣﻌﺰﺯ ﻭ ﺳﺮ ﺑﻠﻨﺪ
ﺭﮐﮭﻨﮯ ﻭﺍﻟﮯ ﺍﺱ ﺯﯾﺮﮎ،ﺟﺮﯼ ،ﻓﻌﺎﻝ ﺍﻭﺭ ﻣﺴﺘﻌﺪ ﺗﺨﻠﯿﻖ ﮐﺎﺭ ﻧﮯ ﺗﻤﺎﻡ ﻋﻤﺮ
ﻓﺮﻭﻍ ﮔﻠﺸﻦ ﻭ ﺻﻮﺕ ﮨﺰﺍﺭ ﮐﮯ ﻣﻮﺳﻢ ﮐﮯ ﺍﻧﺘﻈﺎﺭ ﺍﻭﺭ ﺍﻧﺴﺎﻧﯿﺖ ﮐﮯ ﻭﻗﺎﺭ
ﺍﻭﺭﺳﺮ ﺑﻠﻨﺪﯼ ﮐﯽ ﺧﺎﻃﺮ ﺑﮯ ﭘﻨﺎﮦ ﻗﺮﺑﺎﻧﯿﺎﮞ ﺩﯾﮟ ۔ﺍﭘﻨﮯ ﻋﮩﺪ ﮐﮯ ﺗﻤﺎﻡ ﻭﺍﻗﻌﺎﺕ
ﮐﯽ ﺳﺎﻋﺘﯿﮟ ﺍﻭﺭ ﺍﻥ ﮐﯽ ﺗﺮﺟﻤﺎﻥ ﺳﻤﺎﻋﺘﯿﮟ ﺯﻧﺪﮔﯽ ﮐﮯ ﺍﺱ ﺳﻔﺮ ﻣﯿﮟ ﺟﺐ
ﺑﮭﯽ ﯾﺎﺩ ﺁﺋﯿﮟ ﮔﯽ ﺗﻮ ﺍﻥ ﮐﺎ ﺍﯾﮏ ﺍﯾﮏ ﺣﺮﻑ ﭘﻮﺭ ﯼ ﻗﻮﺕ ﺍﻭﺭ ﺗﺎﺑﺎﻧﯽ ﮐﮯ ﺳﺎﺗﮫ
ﺯﻧﺪﮔﯽ ﮐﯽ ﺣﻘﯿﻘﯽ ﻣﻌﻨﻮﯾﺖ ﮐﻮ ﺍﺟﺎﮔﺮ ﮐﺮ ﮐﮯ ﺍﭘﻨﮯ ﻭﺟﻮﺩ ﮐﺎ ﺍﺛﺒﺎﺕ ﮐﺮﮮ
ﮔﺎ ۔ ﺍﺳﺘﺤﺼﺎﻟﯽ ﻃﺒﻘﮯ ﮐﮯ ﺧﻼﻑ ﻭﮦ ﺍﯾﮏ ﺷﻌﻠﮧ ﺀﺟﻮﺍﻻ ﮐﮯ ﻣﺎﻧﻨﺪ ﺗﮭﮯ ۔
ﻣﻈﻠﻮﻡ ﺍﻭﺭ ﺑﮯ ﺑﺲ ﺍﻧﺴﺎﻧﯿﺖ ﮐﮯ ﺳﺎﺗﮫ ﺍﻥ ﮐﮯ ﻗﻮﻝ ﻭ ﺍﻗﺮﺍﺭ ﺍﻭﺭ ﻋﮩﺪ ﻭﻓﺎ
ﮨﻤﯿﺸﮧ ﺍﺳﺘﻮﺍﺭﺭﮨﮯ ۔ﺷﺐ ﺍﻟﻢ ﻣﺂﻝ ﮐﺎﺭ ﺍﭘﻨﮯ ﺍﻧﺠﺎﻡ ﮐﻮ ﭘﮩﻨﭽﮯ ﮔﯽ ۔ ﻓﺴﻄﺎﺋﯽ
ﺟﺒﺮ ﮐﮯ ﻣﺴﻠﻂ ﮐﺮﺩﮦ ﻣﮩﯿﺐ ﺳﻨﺎﭨﻮﮞ ﺍﻭﺭ ﺁﻣﺮﯾﺖ ﮐﯽ ﻣﮩﯿﺐ ﺭﺍﺕ ﮐﯽ ﺟﺎﻧﮕﺪﺍﺯ
ﻇﻠﻤﺖ ﻣﯿﮟ ﺍﻥ ﮐﯽ ﺷﺎﻋﺮﯼ ﺳﺘﺎﮦﺀﺳﺤﺮ ﮐﮯ ﻣﺎﻧﻨﺪ ﺩﻟﻮﮞﮑﻮ ﺍﯾﮏ ﻭﻟﻮﻟﮧﺀﺗﺎﺯﮦ ﻋﻄﺎ
ﮐﺮﺗﯽ ﺭﮨﮯ ﮔﯽ ۔ﺍﺣﻤﺪ ﻓﺮﺍﺯ ﮐﯽ ﺷﺎﻋﺮﯼ ﮐﻮ ﺩﻧﯿﺎ ﺑﮭﺮ ﻣﯿﮟ ﺑﮯ ﭘﻨﺎﮦ ﻣﻘﺒﻮﻟﯿﺖ
ﻧﺼﯿﺐ ﮨﻮﺋﯽ ۔ﻭﮦ ﭘﺎﮐﺴﺘﺎﻥ ،ﺑﮭﺎﺭﺕ ،ﯾﻮﺭﭖ ،ﻋﺮﺏ ﻣﻤﺎﻟﮏ ﺍﻭﺭ ﺩﻧﯿﺎ ﺑﮭﺮ ﮐﮯ
ﭘﺲ ﻣﺎﻧﺪﮦ ﺍﻭﺭ ﺗﺮﻗﯽ ﭘﺬﯾﺮﻣﻤﺎﻟﮏ ﮐﮯ ﻋﻮﺍﻡ ﮐﮯ ﺣﻘﯿﻘﯽ ﺧﯿﺮ ﺧﻮﺍﮦ ﺍﻭﺭ ﺩﺭﺩ ﺁﺷﻨﺎ
ﺗﮭﮯ۔ﺍﻥ ﮐﯽ ﺷﺎﻋﺮﯼ ﻧﮯ ﻓﮑﺮ ﻭ ﻧﻈﺮ ﮐﻮ ﺍﺱ ﻃﺮﺡ ﻣﮩﻤﯿﺰ ﮐﯿﺎﮐﮧ ﺯﻧﺪﮔﯽ ﮐﮯ
ﻧﺸﯿﺐ ﻭ ﻓﺮﺍ ﺯ ﺣﻘﯿﻘﯽ ﺗﻨﺎﻇﺮ ﻣﯿﮟ ﺳﺎﻣﻨﮯ ﺁﺗﮯ ﮨﯿﮟ۔

ﻣﯿﮟ ﭼﭗ ﮨﻮ ﺟﺎﺅﮞ ﮔﺎ ﺑﺠﮭﺘﯽ ﮨﻮﺋﯽ ﺷﻤﻌﻮﮞ ﮐﮯ ﺳﺎﺗﮫ
ﺍﻭﺭ ﮐﭽﮫ ﻟﻤﺤﮯ ﭨﮭﮩﺮ !ﺍﮮ ﺯﻧﺪﮔﯽ !ﺍﮮ ﺯﻧﺪﮔﯽ

ﺍﺣﻤﺪ ﻓﺮﺍﺯ (ﺳﯿﺪ ﺍﺣﻤﺪ ﺷﺎﮦ) 12 ﺟﻨﻮﺭﯼ 1931ﮐﻮ ﭘﺎﮐﺴﺘﺎﻥ ﮐﮯ ﺻﻮﺑﮧ ﺧﯿﺒﺮ
ﭘﺨﺘﻮﻥ ﺧﻮﺍﮦ ﻣﯿﮟ ﭘﯿﺪﺍ ﮨﻮﺋﮯ ۔ﺍﻥ ﮐﮯ ﻭﺍﻟﺪ ﺳﯿﺪ ﻣﺤﻤﺪ ﺷﺎﮦ ﺑﺮﻕ ﺍﺱ ﻋﻼﻗﮯ
ﮐﯽ ﻣﻤﺘﺎﺯ ﺷﺨﺼﯿﺖ ﺗﮭﮯ ۔ﭘﻮﺭﮮ ﻋﻼﻗﮯ ﻣﯿﮟ ﺍﻧﮭﯿﮟ ﺍﻥ ﮐﯽ ﻋﻠﻤﯽ ﺍﺩﺑﯽ ﺍﻭﺭ
ﻣﻌﺎﺷﺮﺗﯽ ﺧﺪﻣﺎﺕ ﮐﯽ ﺑﺪﻭﻟﺖ ﻋﺰﺕ ﻭ ﺍﺣﺘﺮﺍﻡ ﮐﯽ ﻧﮕﺎﮦ ﺳﮯ ﺩﯾﮑﮭﺎ ﺟﺎﺗﺎ ﺗﮭﺎ ۔
ﺍﺣﻤﺪ ﻓﺮﺍﺯ ﮐﻮ ﺑﭽﭙﻦ ﮨﯽ ﺳﮯ ﺷﻌﺮ ﻭ ﺷﺎﻋﺮﯼ ﺳﮯ ﺷﻐﻒ ﺗﮭﺎ ۔ﮔﮭﺮ ﮐﮯ ﻋﻠﻤﯽ
ﻭ ﺍﺩﺑﯽ ﻣﺎﺣﻮﻝ ﻧﮯ ﺍﻥ ﮐﯽ ﺗﺨﻠﯿﻘﯽ ﺻﻼﺣﯿﺘﻮﮞ ﮐﻮ ﺻﯿﻘﻞ ﮐﯿﺎ ۔ﻭﺍﻟﺪﯾﻦ ﻧﮯ ﺑﮩﺖ
ﻻﮈ ﺍﻭﺭﭘﯿﺎﺭ ﺳﮯ ﺍﻥ ﮐﯽ ﭘﺮﻭﺭﺵ ﮐﯽ ﺍﻭﺭ ﮨﻤﯿﺸﮧ ﺍﻥ ﮐﯽ ﭘﺴﻨﺪ ﮐﺎ ﺧﯿﺎﻝ
ﺭﮐﮭﺎ ۔ﺍﯾﮏ ﻣﺮﺗﺒﮧ ﻋﯿﺪ ﮐﮯ ﻣﻮﻗﻊ ﭘﺮ ﺣﺴﺐ ﻣﻌﻤﻮﻝ ﺳﺐ ﺍﻓﺮﺍﺩ ﺧﺎﻧﮧ ﮐﮯ ﻟﯿﮯ
ﻧﺌﮯ ﮐﭙﮍﻭﮞ ﮐﯽ ﺧﺮﯾﺪﺍﺭﯼ ﮐﺎ ﻣﺮﺣﻠﮧ ﺁﯾﺎ ۔ﺍﺱ ﺯﻣﺎﻧﮯ ﻣﯿﮟ ﺑﺎﻟﻌﻤﻮﻡ ﻭﺍﻟﺪﯾﻦ ﺧﻮﺩ
ﮨﯽ ﺍﭘﻨﯽ ﺍﻭﻻﺩ ﮐﮯ ﻟﯿﮯ ﻣﻮﺯﻭﮞ ﻟﺒﺎﺱ ﺍﻭﺭﮐﭙﮍﻭﮞ ﮐﺎ ﺍﻧﺘﺨﺎﺏ ﮐﯿﺎ ﮐﺮﺗﮯ ﺗﮭﮯ ۔
ﺍﺱ ﺑﺎﺭ ﺟﻮ ﮐﭙﮍﮮ ﺁﺋﮯ ﻭﮦ ﺍﺣﻤﺪ ﻓﺮﺍﺯ ﮐﻮ ﭘﺴﻨﺪ ﻧﮧ ﺁﺋﮯ ۔ﺍﻥ ﮐﺎ ﺧﯿﺎﻝ ﺗﮭﺎ ﮐﮧ
ﺑﺎﻗﯽ ﺍﻓﺮﺍﺩ ﺧﺎﻧﮧ ﮐﮯ ﮐﭙﮍﮮ ﺯﯾﺎﺩﮦ ﭘﺮ ﮐﺸﺶ ﮨﯿﮟ ۔ﺧﺎﺹ ﻃﻮﺭﭘﺮﺍﻥ ﮐﮯ ﺑﮍﮮ
ﺑﮭﺎﺋﯽ ﮐﮯ ﻟﯿﮯ ﺟﻮ ﻟﺒﺎﺱ ﺧﺮﯾﺪﺍ ﮔﯿﺎ ﻭﮦ ﺍﺣﻤﺪ ﻓﺮﺍﺯ ﮐﻮ ﺍﭼﮭﺎ ﻟﮕﺎ۔ﺍﺣﻤﺪ ﻓﺮﺍﺯ
ﻧﮯ ﺍﭘﻨﮯ ﻟﯿﮯ ﻻﺋﮯ ﮔﺌﮯ ﮐﭙﮍﻭﮞ ﮐﻮ ﮐﮭﺮﺩﺭﺍ ،ﺑﺪ ﻭﺿﻊ ﺍﻭﺭ ﮐﻤﺒﻞ ﻧﻤﺎﺳﻤﺠﮭﺘﮯ
ﮨﻮﺋﮯ ﺍﺳﮯ ﻗﯿﺪﯾﻮﮞ ﮐﯽ ﻭﺭﺩﯼ ﺳﮯ ﻣﺸﺎﺑﮧ ﻗﺮﺍﺭ ﺩﯾﺎ۔ﮨﺰﺍﺭ ﺧﻮﻑ ﻣﯿﮟ ﺑﮭﯽ ﺍﻥ
ﮐﯽ ﺯﺑﺎﮞ ﻧﮯ ﮨﻤﯿﺸﮧ ﺩﻝ ﮐﯽ ﺑﺎﺕ ﮐﻮ ﻟﺒﻮﮞ ﭘﺮ ﻻﻧﮯ ﻣﯿﮟ ﮐﺒﮭﯽ ﺗﺎﻣﻞ ﻧﮧ ﮐﯿﺎ ۔
ﺍﻥ ﮐﯽ ﺍﺱ ﺑﺎﺕ ﮐﻮ ﺳﺐ ﻧﮯ ﺗﺴﻠﯿﻢ ﮐﯿﺎ ﺍﻭﺭ ﺁﺋﻨﺪ ﮦ ﺍﻥ ﮐﮯ ﻟﯿﮯ ﺍﻥ ﮐﮯ ﺫﻭﻕ
ﮐﮯ ﻣﻄﺎﺑﻖ ﻟﺒﺎﺱ ﮐﯽ ﻓﺮﺍﮨﻤﯽ ﮐﻮ ﯾﻘﯿﻨﯽ ﺑﻨﺎﯾﺎ ﮔﯿﺎ ۔ﺍﺱ ﮐﻢ ﻋﻤﺮﯼ ﻣﯿﮟ ﺍﭘﻨﮯ
ﺟﺬﺑﺎﺕ ﮐﺎ ﺍﻇﮩﺎﺭ ﮐﺮﺗﮯ ﮨﻮﺋﮯ ﺍﻧﮭﻮﮞ ﻧﮯ ﺍﭘﻨﯽ ﺯﻧﺪﮔﯽ ﮐﺎ ﯾﮧ ﭘﮩﻼ ﺷﻌﺮ ﺑﺮ
ﺟﺴﺘﮧ ﮐﮩﺎ :

ﺳﺐ ﮐﮯ ﻭﺍﺳﻄﮯ ﻟﯿﮯ ﮨﯿﮟ ﮐﭙﮍﮮ ﺳﯿﻞ ﺳﮯ
ﻻﺋﮯ ﮨﯿﮟ ﻣﯿﺮﮮ ﻟﯿﮯ ﻗﯿﺪﯼ ﮐﺎ ﮐﻤﺒﻞ ﺟﯿﻞ ﺳﮯ

ﺍﺣﻤﺪ ﻓﺮﺍﺯ ﺍﯾﮏ ﻣﺤﺐ ﻭﻃﻦ ﭘﺸﺘﻮﻥ ﺧﺎﻧﺪﺍﻥ ﮐﮯ ﭼﺸﻢ ﻭ ﭼﺮﺍﻍ ﺗﮭﮯ ۔ ﺍﻧﮭﻮﮞ
ﻧﮯ ﺍﺑﺘﺪﺍﺋﯽ ﺗﻌﻠﯿﻢ ﮐﻮﮨﺎﭦ ﺳﮯ ﻣﮑﻤﻞ ﮐﯽ ۔ﺍﺱ ﮐﮯ ﺑﻌﺪ ﺍﻥ ﮐﺎ ﺧﺎﻧﺪﺍﻥ
ﭘﺸﺎﻭﺭﻣﻨﺘﻘﻞ ﮨﻮ ﮔﯿﺎ ۔ﺍﺱ ﺗﺎﺭﯾﺨﯽ ﺷﮩﺮ ﻣﯿﮟ ﺍﻧﮭﯿﮟ ﺗﻌﻠﯿﻤﯽ ﻣﺪﺍﺭﺝ ﻃﮯ ﮐﺮﻧﮯ
ﻣﯿﮟ ﺑﮩﺖ ﻣﺪﺩ ﻣﻠﯽ ۔ﭘﺸﺎﻭﺭﭘﮩﻨﭽﻨﮯ ﮐﮯ ﺑﻌﺪ ﺍﻧﮭﻮﮞ ﻧﮯ ﺳﺐ ﺳﮯ ﭘﮩﻠﮯ ﭘﺸﺎﻭﺭ
ﻣﺎﮈﻝ ﺳﮑﻮﻝ ﻣﯿﮟ ﺍﺑﺘﺪﺍﺋﯽ ﺗﻌﻠﯿﻢ ﻣﮑﻤﻞ ﮐﯽ۔ﻣﯿﭩﺮﮎ ﮐﮯ ﺑﻌﺪ ﻭﮦ ﺭﯾﮉﯾﻮ ﭘﺎﮐﺴﺘﺎﻥ
ﮐﺮﺍﭼﯽ ﻣﯿﮟ ﺳﮑﺮﭘﭧ ﺭﺍﺋﭩﺮ ﮐﯽ ﺣﯿﺜﯿﺖ ﺳﮯ ﮐﺎ ﻡ ﮐﺮﻧﮯ ﻟﮕﮯ ﻟﯿﮑﻦ ﺟﻠﺪ ﮨﯽ
ﻭﮦ ﺗﻌﻠﯿﻤﯽ ﺳﻠﺴﻠﮧ ﻧﺌﮯ ﺳﺮﮮ ﺳﮯ ﺷﺮﻭﻉ ﮐﺮﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﺌﮯ ﺍﻭﺭ
ﭘﺸﺎﻭﺭ ﮐﯽ ﻣﻌﺮﻭﻑ ﺩﺭﺱ ﮔﺎﮦ ﺍﯾﮉﻭﺭﮈ ﮐﺎﻟﺞ ﻣﯿﮟ ﺩﺍﺧﻠﮧ ﻟﯿﺎ ۔ﺍﺱ ﮐﮯ ﺑﻌﺪ ﺍﻧﮭﻮﮞ
ﻧﮯ ﭘﺸﺎﻭﺭ ﯾﻮ ﻧﯿﻮﺭﺳﭩﯽ ﺳﮯ ﺍﺭﺩﻭ ﺍﻭﺭ ﻓﺎﺳﯽ ﺯﺑﺎﻧﻮﮞ ﻣﯿﮟ ﺍﯾﻢ۔ﺍﮮ ﮐﯽ ﮈﮔﺮﯾﺎ ﮞ
ﺣﺎﺻﻞ ﮐﯿﮟ۔ﭘﺸﺎﻭﺭﺷﮩﺮﻣﯿﮟ ﺍﺣﻤﺪ ﻓﺮﺍﺯ ﮐﻮ ﺟﻮ ﻣﺎﺣﻮﻝ ﻣﯿﺴﺮ ﺁﯾﺎ ﺍﺱ ﮐﮯ ﺍﻋﺠﺎﺯ
ﺳﮯ ﺍﻥ ﮐﯽ ﺗﺨﻠﯿﻘﯽ ﺻﻼﺣﯿﺘﻮﮞ ﮐﻮ ﻧﻤﻮ ﻣﻠﯽ ۔ﺍﻥ ﮐﮯ ﻣﻌﺎﺻﺮﯾﻦ ﻣﯿﮟ ﺭﺿﺎ
ﮨﻤﺪﺍﻧﯽ ،ﻏﻼﻡ ﻣﺤﻤﺪ ﻗﺎﺻﺮ ،ﻓﺎﺭﻍ ﺑﺨﺎﺭﯼ ،ﺗﺎﺝ ﺳﻌﯿﺪ ،ﻣﺤﺴﻦ ﺍﺣﺴﺎﻥ ،ﺻﺎﺑﺮ
ﮐﻠﻮﺭﻭﯼ ،ﻏﻔﺎﺭ ﺑﺎﺑﺮ ،ﺍﻧﻮﺭ ﺧﻮﺍﺟﮧ ،ﺭﺍﻡ ﺭﯾﺎﺽ ،ﺳﯿﺪ ﺟﻌﻔﺮ ﻃﺎﮨﺮ ،ﺁﻏﺎ ﮔﻞ ﺍﻭﺭ
ﻣﺘﻌﺪﺩ ﺍﮨﻢ ﺍﺩﯾﺐ ﺷﺎﻣﻞ ﮨﯿﮟ ۔ﺍﻥ ﺣﺴﯿﮟ ﯾﺎﺩﻭﮞ ﮐﻮ ﻭﮦ ﺍﭘﻨﯽ ﺯﻧﺪﮔﯽ ﮐﺎ ﺑﯿﺶ ﺑﮩﺎ
ﺍﺛﺎﺛﮧ ﻗﺮﺍﺭ ﺩﯾﺘﮯ ﺗﮭﮯ۔ﺍﭘﻨﯽ ﻋﻤﻠﯽ ﺯﻧﺪﮔﯽ ﮐﺎ ﺁﻏﺎﺯ ﺍﺣﻤﺪ ﻓﺮﺍﺯ ﻧﮯ
ﭘﺸﺎﻭﺭﯾﻮﻧﯿﻮﺭﺳﭩﯽ ﻣﯿﮞﺒﮧ ﺣﯿﺜﯿﺖ ﻟﯿﮑﭽﺮﺭ ﺗﺪﺭﯾﺴﯽ ﺧﺪﻣﺎﺕ ﺳﮯ ﮐﯿﺎ ۔ ﺣﮑﻮﻣﺖ
ﭘﺎﮐﺴﺘﺎﻥ ﮐﯽ ﻃﺮﻑ ﺳﮯ ﺍﻥ ﮐﯽ ﻋﻠﻤﯽ ﺍﻭﺭ ﺍﺩﺑﯽ ﺧﺪﻣﺎﺕ ﮐﮯ ﺍﻋﺘﺮﺍﻑ ﻣﯿﮟ
ﺍﻧﮭﯿﮟ ﮨﻼﻝ ﺍﻣﺘﯿﺎﺯ ،ﺳﺘﺎﺭﮦﺀﺍﻣﺘﯿﺎﺯ ﺍﻭﺭ ﮨﻼﻝ ﭘﺎﮐﺴﺘﺎﻥ ( ﺑﻌﺪ ﺍﺯ ﻭﻓﺎﺕ ) ﺳﮯ ﻧﻮﺍﺯﺍ
ﮔﯿﺎ ۔ ﺍﻧﮭﯿﮞﻨﮕﺎﺭ ﺍﯾﻮﺍﺭﮈ ﺑﮭﯽ ﻣﻼ ۔ﻭﻃﻦ ﺍﻭﺭ ﺍﮨﻞ ﻭﻃﻦ ﮐﮯ ﺳﺎﺗﮫ ﺍﻥ ﮐﯽ
ﻭﺍﻟﮩﺎﻧﮧ ﻣﺤﺒﺖ ﺍﻭﺭ ﻗﻠﺒﯽ ﻭﺍﺑﺴﺘﮕﯽ ﺍﻭﺭ ﺟﺎﺑﺮ ﺳﻠﻄﺎﻥ ﮐﮯ ﺳﺎﻣﻨﮯ ﮐﻠﻤﮧ ﺀﺣﻖ
ﮐﮩﻨﺎ ﺍﻥ ﮐﺎ ﺑﮩﺖ ﺑﮍﺍ ﺍﻋﺰﺍﺯﻭ ﺍﻣﺘﯿﺎﺯ ﮨﮯ ۔ﺍﺣﻤﺪﻓﺮﺍﺯ ﮐﻮ 1966ﻣﯿﮟ ﭘﺎﮐﺴﺘﺎﻥ
ﺭﺍﺋﭩﺮﺯ ﮔﻠﮉ ﮐﯽ ﺟﺎﻧﺐ ﺳﮯ ﺁﺩﻡ ﺟﯽ ﺍﺩﺑﯽ ﺍﯾﻮﺍﺭﮈ ﻣﻼ ۔ﺍﺱ ﻃﺮﺡ ﺍﻥ ﮐﯽ
ﺗﺨﻠﯿﻘﯽ ﮐﺎﻣﺮﺍﻧﯿﻮ ﮞ ﮐﺎ ﮨﺮ ﺳﻄﺢ ﭘﺮ ﺑﺮ ﻣﻼ ﺍﻋﺘﺮﺍﻑ ﮐﯿﺎ ﮔﯿﺎ ۔1972ﻣﯿﮟ
ﺍﻧﮭﯿﮞﺪﮬﻨﮏ ﺍﯾﻮﺍﺭﮈ ﻣﻼ ۔ﺍﺱ ﺍﯾﻮﺍﺭﮈ ﮐﮯ ﻣﻄﺎﺑﻖ ﺍﻧﮭﯿﮟ ﻣﻠﮑﯽ ﺍﻭﺭ ﺑﯿﻦ
ﺍﻻﻗﻮﺍﻣﯽ ﺳﻄﺢ ﭘﺮ ﻧﮩﺎﯾﺖ ﻣﻘﺒﻮﻝ ﺍﺭﺩﻭ ﺷﺎﻋﺮ ﺗﺴﻠﯿﻢ ﮐﯿﺎ ﮔﯿﺎ ۔1990 ﻣﯿﮞﺎﺩﺏ
ﮐﺎ ﺍﺑﺎﺳﯿﻦ ﺍﯾﻮﺍﺭﮈ ﺑﮭﯽ ﺍﻧﮭﯿﮞﻤﻼ۔ﺍﺩﺏ ﺍﻭﺭ ﺍﻧﺴﺎﻧﯽ ﺣﻘﻮﻕ ﮐﮯ ﻟﯿﮯ ﺍﻥ ﮐﯽ ﺟﺪ
ﻭ ﺟﮩﺪ ﮐﮯ ﺍﻋﺘﺮﺍﻑ ﻣﯿﮟ (ﺟﻤﺸﯿﺪ ﻧﮕﺮ ۔ﺑﮭﺎﺭﺕ ) ﺟﮯ ﺍﯾﻦ ﭨﺎﭨﺎ ﺍﯾﻮﺍﺭﮈ 1992
ﻣﯿﮟ ﺍﻥ ﮐﮯ ﺣﺼﮯ ﻣﯿﮟ ﺁﯾﺎ ۔ﺍﻧﮭﻮ ﮞ ﻧﮯ ﮨﻤﯿﺸﮧ ﺣﻖ ﻭ ﺻﺪﺍﻗﺖ ﺍﻭﺭﺣﺮﯾﺖ ﻓﮑﺮ
ﮐﻮ ﺍﭘﻨﺎ ﻣﻄﻤﺢ ﻧﻈﺮ ﻗﺮﺍﺭ ﺩﯾﺎ ۔ﺍﯾﮏ ﺑﻠﻨﺪ ﭘﺎﯾﮧ ﺍﺩﯾﺐ ﺍﻭﺭﺩﺍﻧﺶ ﻭﺭ ﮐﯽ ﺣﯿﺜﯿﺖ
ﺳﮯ ﺍﻧﮭﻮ ﮞﻨﮯ ﺟﺒﺮ ﮐﺎﮨﺮ ﺍﻧﺪﺍﺯ ﻣﺴﺘﺮﺩ ﮐﺮﺗﮯ ﮨﻮﺋﮯ ﻗﻠﻢ ﮐﻮ ﺍﭘﻨﯽ ﻗﻮﻡ ﮐﯽ
ﺍﻣﺎﻧﺖ ﻗﺮﺍﺭ ﺩﯾﺎ۔ﺍﻧﮭﯿﮟ ﻧﻘﻮﺵ ﺍﯾﻮﺍﺭﮈ ﺑﺮﺍﺋﮯ ﻓﺮﻭﻍ ﺍﺩﺏ ( 1993-1992) ﻣﻼ
ﺟﻮ ﺍﺱ ﺑﺎﺕ ﮐﺎ ﺛﺒﻮﺕ ﮨﮯ ﮐﮧ ﺍﺣﻤﺪ ﻓﺮﺍﺯ ﻧﮯ ﮨﺮ ﻗﺴﻢ ﮐﯽ ﺍﺑﺘﻼ ﺍﻭﺭ ﺁﺯﻣﺎﺋﺶ
ﮐﯽ ﮔﮭﮍﯼ ﻣﯿﮟ ﺛﺎﺑﺖ ﻗﺪﻣﯽ ﮐﺎ ﺛﺒﻮﺕ ﺩﯾﺎ ﺍﻭﺭ ﻇﻠﻢ ﮐﮯ ﺳﺎﻣﻨﮯ ﺳﭙﺮ ﺍﻧﺪﺍﺯ
ﮨﻮﻧﮯ ﺳﮯ ﺍﻧﮑﺎﺭ ﮐﺮ ﺩﯾﺎ ۔ﺍﺣﻤﺪ ﻓﺮﺍﺯ ﮐﻮ ﮐﺌﯽ ﻋﺎﻟﻤﯽ ﺍﯾﻮﺍﺭﮈ ﺑﮭﯽ ﻣﻠﮯ۔ﺍﻥ ﻣﯿﮟ
ﻓﺮﺍﻕ ﺍﯾﻮﺍﺭﮈ ﺑﮭﯽ ﺷﺎﻣﻞ ﮨﮯ ﺟﻮ ﺍﻧﮭﯿﮟ ﺑﮭﺎﺭﺕ ﺳﮯ 1982ﻣﯿﮟ ﻣﻼ ۔ﮐﯿﻨﯿﮉﺍ
ﺳﮯ ﺍﻧﮭﯿﮟ 1991ﻣﯿﮟ ﻋﺎﻟﻤﯽ ﺍﺭﺩﻭ ﺍﯾﻮﺍﺭﮈ ﻣﻼ ۔ﺍﺱ ﻃﺮﺡ ﺍﻥ ﮐﯽ ﺷﮩﺮﺕ ﺩﻧﯿﺎ
ﮐﮯ ﮔﻮﺷﮯ ﮔﻮﺷﮯ ﻣﯿﮟ ﭘﮩﻨﭻ ﮔﺌﯽ ۔ﻭﮦ ﺍﺭﺩﻭ ﺯﺑﺎﻥ ﻭ ﺍﺩﺏ ﮐﮯ ﺍﯾﮏ ﺍﯾﺴﮯ
ﻋﻈﯿﻢ ﺗﺨﻠﯿﻖ ﮐﺎﺭ ﺗﮭﮯ ﺟﻨﮭﯿﮟ 1997 ﮐﮯ ﺑﻌﺪ ﺳﺐ ﺳﮯ ﺯﯾﺎﺩﮦ ﭘﺬﯾﺮﺍﺋﯽ ﺍﻭﺭ
ﻣﺤﺒﺖ ﻋﺎﻟﻤﯽ ﺳﻄﺢ ﭘﺮ ﻧﺼﯿﺐ ﮨﻮﺋﯽ ۔ﺍﮐﺎﺩﻣﯽ ﺍﺩﺑﯿﺎﺕ ﭘﺎﮐﺴﺘﺎﻥ ﮐﯽ ﻃﺮﻑ
ﺳﮯ ﺍﻥ ﮐﯽ ﻭﻗﯿﻊ ﺻﺤﺎﻓﺘﯽ، ﻋﻠﻤﯽ ،ﺍﺩﺑﯽ،ﻣﻌﺎﺷﺮﺗﯽ ﺍﻭ ﺭﻗﻮﻣﯽ ﺧﺪﻣﺎﺕ ﮐﮯ
ﺍﻋﺘﺮﺍﻑ ﻣﯿﮟ ﺍﻧﮭﯿﮟ ﻋﻼﻣﮧ ﺍﻗﺒﺎﻝ ﺍﯾﻮﺍﺭﮈ ﺍﻭﺭ ﺗﺎ ﺣﯿﺎﺕ ﺍﻋﺰﺍﺯﯼ ﻓﯿﻠﻮﺷﭗ ﺳﮯ
ﻧﻮﺍﺯﺍ ﮔﯿﺎ ۔ﺍﺣﻤﺪ ﻓﺮﺍﺯ ﻧﮯ ﭘﺎﮐﺴﺘﺎﻥ ﻣﯿﮟ ﺍﮨﻢ ﻣﻨﺎﺻﺐ ﭘﺮ ﻓﺎﺋﺰ ﺭﮨﺘﮯ ﮨﻮﺋﮯ ﺟﻮ
ﮔﺮﺍﮞ ﻗﺪﺭ ﺧﺪﻣﺎﺕ ﺍﻧﺠﺎﻡ ﺩﯾﮟ ﺍﻥ ﮐﺎ ﺍﯾﮏ ﻋﺎﻟﻢ ﻣﻌﺘﺮﻑ ﮨﮯ ۔1976ﻣﯿﮟ ﺍﻥ ﮐﺎ
ﺗﻘﺮﺭ ﺍﮐﺎﺩﻣﯽ ﺍﺩﺑﯿﺎ ﺕ ﭘﺎﮐﺴﺘﺎﻥ ،ﺍﺳﻼﻡ ﺁﺑﺎﺩ ﮐﮯ ﺑﺎﻧﯽ ﮈﺍﺋﺮﯾﮑﭩﺮ ﺟﻨﺮﻝ ﮐﯽ
ﺣﯿﺜﯿﺖ ﺳﮯ ﮨﻮﺍ ۔ﭘﺎﮐﺴﺘﺎﻧﯽ ﺍﺩﯾﺒﻮﮞ ﮐﯽ ﻓﻼﺡ ﻭ ﺑﮩﺒﻮﺩ ﮐﮯ ﻟﯿﮯ ﻗﺎﺋﻢ ﮐﯿﮯ
ﺟﺎﻧﮯ ﻭﺍﻟﮯ ﺍﺱ ﻋﻈﯿﻢ ﺍﺩﺍﺭﮮ ﻣﯿﮟ ﺍﻥ ﮐﯽ ﺧﺪﻣﺎﺕ ﺗﺎﺭﯾﺦ ﺍﺩﺏ ﮐﺎ ﺩﺭﺧﺸﺎﮞ ﺑﺎﺏ
ﮨﮯ ۔ﺍﮐﺎﺩﻣﯽ ﮐﮯ ﺍﺩﺑﯽ ﻣﺠﻠﮯ ” ﺍﺩﺑﯿﺎﺕ “ﮐﻮ ﺍﻥ ﮐﮯ ﺩﻭﺭﻣﯿﮟ ﺍﯾﮏ ﺍﮨﻢ ﺑﻨﯿﺎﺩﯼ
ﻣﺎﺧﺬﺍﻭﺭ ﻣﻌﯿﺎﺭﯼ ﺍﺩﺑﯽ ﻣﺠﻠﮧ ﺳﻤﺠﮭﺎ ﺟﺎﺗﺎ ﺗﮭﺎ ۔ ﺍﺱ ﺭﺟﺤﺎﻥ ﺳﺎﺯ ﺍﺩﺑﯽ ﻣﺠﻠﮯ
ﻧﮯ ﺗﺨﻠﯿﻖ ﺍﺩﺏ ،ﺗﺤﻘﯿﻖ ،ﺗﻨﻘﯿﺪ ،ﺷﺎﻋﺮﯼ ﺍﻭﺭ ﻓﻨﻮﻥ ﻟﻄﯿﻔﮧ ﮐﮯ ﻓﺮﻭﻍ ﻣﯿﮟ ﮔﺮﺍﮞ
ﻗﺪﺭ ﺧﺪﻣﺎﺕ ﺍﻧﺠﺎﻡ ﺩﯾﮟ۔ﭘﺎﮐﺴﺘﺎﻧﯽ ﺍﮨﻞ ﻗﻠﻢ ﮐﯽ ﻓﻼﺡ ﺍﻭ ﺭﺑﮩﺒﻮﺩ ﮐﮯ ﻣﺘﻌﺪﺩ
ﻣﻨﺼﻮﺑﮯ ﺍﻥ ﮐﮯ ﺩﻭﺭ ﻣﯿﮟ ﺷﺮﻭﻉ ﮐﯿﮯ ﮔﺌﮯ ۔ﺍﺱ ﮐﮯ ﺑﻌﺪ ﻭﮦ 1989ﻣﯿﮟ
ﻧﯿﺸﻨﻞ ﺑﮏ ﻓﺎﺅﻧﮉﯾﺸﻦ ﺍﺳﻼﻡ ﺁﺑﺎﺩ ﮐﮯ ﭼﯿﺮ ﻣﯿﻦ ﺑﻨﮯ ﺍﻭﺭ 1990ﺗﮏ ﺍﺱ ﻋﮩﺪﮮ
ﺭ ﻓﺎﺋﺰ ﺭﮨﮯ ۔ﯾﮩﺎﮞ ﺑﮭﯽ ﺍﻧﮭﻮﮞ ﻧﮯ ﺍﭘﻨﯽ ﺍﻧﺘﻈﺎﻣﯽ ﻗﺎﺑﻠﯿﺖ ﺍﻭﺭﺗﺪﺑﺮﮐﺎﻟﻮﮨﺎ
ﻣﻨﻮﺍﯾﺎ ۔ﻧﯿﺸﻨﻞ ﺑﮏ ﻓﺎﺅﻧﮉﯾﺸﻦ ﻧﮯ ﺍﺱ ﺩﻭﺭ ﻣﯿﮟ ﻣﺘﻌﺪﺩ ﺍﮨﻢ ﺍﻭﺭ ﻣﻔﯿﺪ ﮐﺘﺎﺑﯿﮟ
ﺷﺎﺋﻊ ﮐﯿﮟ ۔ﺟﻦ ﮐﯽ ﺑﺪﻭﻟﺖ ﻗﺎﺭﺋﯿﻦ ﮐﻮ ﻣﻌﯿﺎﺭﯼ ﮐﺘﺎﺑﯿﮟ ﺍﺭﺯﺍﮞ ﻧﺮﺧﻮﮞ ﭘﺮﺩﺳﺘﯿﺎﺏ
ﮨﻮﻧﮯ ﻟﮕﯿﮟ ۔ﺍﺱ ﮐﮯ ﻋﻼﻭﮦ ﺍﺩﯾﺒﻮﮞ ﮐﯽ ﺗﺼﺎﻧﯿﻒ ﮐﯽ ﺍﺷﺎﻋﺖ ﺍﻭﺭ ﺍﻧﮭﯿﮟ ﻣﻌﻘﻮﻝ
ﻣﻌﺎﻭﺿﮯ ﮐﯽ ﺍﺩﺍﺋﯿﮕﯽ ﮐﮯ ﺳﻠﺴﻠﮯ ﮐﺎ ﺁﻏﺎﺯ ﮨﻮﺍ۔ﺍﺱ ﻃﺮﺡ ﭘﺎﮐﺴﺘﺎﻧﯽ ﺍﺩﯾﺒﻮﮞ
ﮐﻮ ﺍﭘﻨﯽ ﺗﺼﺎﻧﯿﻒ ﮐﯽ ﺍﺷﺎﻋﺖ ﮐﮯ ﺳﻠﺴﻠﮯ ﻣﯿﮟ ﻧﺠﯽ ﺷﻌﺒﮯ ﮐﺎ ﻧﺎﺷﺮﯾﻦ ﮐﮯ
ﺍﺳﺘﺤﺼﺎﻝ ﺳﮯ ﻧﺠﺎﺕ ﻣﻞ ﮔﺌﯽ ۔ﯾﻮﻧﯿﻮﺭﺳﭩﯽ ﺁﻑ ﮐﺮﺍﭼﯽ ﮐﯽ ﺟﺎﻧﺐ ﺳﮯ ﺍﺣﻤﺪ
ﻓﺮﺍﺯ ﮐﻮ ﮈﺍﮐﭩﺮﯾﭧ ﺁﻑ ﻟﭩﺮﯾﭽﺮ ﮐﯽ ﺍﻋﺰﺍﺯﯼ ﮈﮔﺮﯼ ﺑﮭﯽ ﻣﻠﯽ ۔ﭘﺎﮐﺴﺘﺎﻥ ﮐﮯ
ﺳﺎﺑﻖ ﻓﻮﺟﯽ ﮈﮐﭩﯿﭩﺮ ﺟﻨﺮﻝ ﭘﺮﻭﯾﺰ ﻣﺸﺮﻑ ﮐﯽ ﺣﮑﻮﻣﺖ ﮐﯽ ﻃﺮﻑ ﺳﮯ ﺍﺣﻤﺪ
ﻓﺮﺍﺯ ﮐﻮ 2004ﻣﯿﮟ ﮨﻼﻝ ﺍﻣﺘﯿﺎﺯ ﺩﯾﺎ ﮔﯿﺎ ۔ﺟﺐ ﺍﺱ ﺁﻣﺮ ﻧﮯ ﭘﺎﮐﺴﺘﺎﻧﯽ ﻋﻮﺍﻡ
ﮐﮯ ﭼﺎﻡ ﮐﮯ ﺩﺍﻡ ﭼﻼﺋﮯ ﺍﻭﺭ ﺑﻨﯿﺎﺩﯼ ﺍﻧﺴﺎﻧﯽ ﺣﻘﻮﻕ ﮐﯽ ﭘﺎﻣﺎﻟﯽ ﺭﻭﺯ ﮐﺎ ﻣﻌﻤﻮﻝ
ﺑﻦ ﮔﯿﺎ ﺗﻮ ﺍﺣﻤﺪﻓﺮﺍﺯ ﻧﮯ ﺍﺱ ﮐﮯ ﺧﻼﻑ ﺁﻭﺍﺯ ﺑﻠﻨﺪ ﮐﯽ ۔ﺍﺱ ﮐﮯ ﻧﺘﯿﺠﮯ ﻣﯿﮟ
ﺍﺣﻤﺪ ﻓﺮﺍﺯ ﮐﻮ ﻣﻼﺯﻣﺖ ﺳﮯ ﺑﺮ ﻃﺮﻑ ﮐﺮ ﺩﯾﺎ ﮔﯿﺎ ۔ﺍﺣﻤﺪ ﻓﺮﺍﺯ ﻧﮯ ﺍﺱ ﺷﻘﺎﻭﺕ
ﺁﻣﯿﺰ ﻧﺎ ﺍﻧﺼﺎﻓﯽ ﺍﻭﺭ ﺻﺮﯾﺢ ﻇﻠﻢ ﮐﮯ ﺧﻼﻑ ﺑﮧ ﻃﻮﺭ ﺍﺣﺘﺠﺎﺝ ﮨﻼﻝ
ﺍﻣﺘﯿﺎﺯﺣﮑﻮﻣﺖ ﮐﻮ ﻭﺍﭘﺲ ﮐﺮ ﺩﯾﺎ ﺍﻭﺭ ﺣﺮﯾﺖ ﺿﻤﯿﺮ ﺳﮯ ﺟﯿﻨﮯ ﮐﮯ ﻟﯿﮯ
ﺍﺳﻮﮦﺀﺷﺒﯿﺮؓ ﮐﻮ ﺍﭘﻨﺎﯾﺎ۔

ﺍﺣﻤﺪ ﻓﺮﺍ ﺯ ﻧﮯ ﺍﭘﻨﯽ ﺗﺨﻠﯿﻘﯽ ﮐﺎﻣﺮﺍﻧﯿﻮﮞ ﺳﮯ ﺩﻟﻮﮞ ﮐﻮ ﻣﺴﺨﺮ ﮐﺮ ﻟﯿﺎ۔ﺍﻥ ﮐﯽ
ﺗﺼﺎﻧﯿﻒ ﮐﻮ ﺑﮩﺖ ﭘﺬﯾﺮﺍﺋﯽ ﻣﻠﯽ ۔ﺍﻥ ﮐﯽ ﺍﮨﻢ ﺗﺼﺎﻧﯿﻒ ﺩﺭﺝ ﺫﯾﻞ ﮨﯿﮟ :
ﺗﻨﮩﺎ ﺗﻨﮩﺎ (1958 )،ﺩﺭﺩ ﺁﺷﻮﺏ (1966)،ﻣﯿﺮﮮ ﺧﻮﺍﺏ ﺭﯾﺰﮦ ﺭﯾﺰﮦ
(1972 ) ،ﺟﺎﻧﺎﮞﺠﺎﻥﺍﮞ (1976 )،ﺑﮯ ﺁﻭﺍﺯ ﮔﻠﯽ ﮐﻮﭼﻮﮞ ﻣﯿﮟ (1982) ،ﻧﺎﺑﯿﻨﺎ
ﺷﮩﺮ ﻣﯿﮟ ﺁﺋﯿﻨﮧ (1984) ،ﺳﺐ ﺁﻭﺍﺯﯾﮟ ﻣﯿﺮﯼ ﮨﯿﮟ (1985 )،ﭘﺲ ﺍﻧﺪﺍﺯ
ﻣﻮﺳﻢ (1989 )،ﺑﻮﺩﻟﮏ (1994 ) ۔ﺍﻥ ﮐﮯ ﺗﻤﺎ ﻡ ﺷﻌﺮﯼ ﻣﺠﻤﻮﻋﮯ ﮐﻠﯿﺎﺕ ﮐﯽ
ﺻﻮﺭﺕ ﻣﯿﮞﺸﺎﺋﻊ ﮨﻮ ﭼﮑﮯ ﮨﯿﮟ ۔

ﺍﺣﻤﺪ ﻓﺮﺍﺯ ﮐﯽ ﺗﺼﺎﻧﯿﻒ ﮐﻮ ﭘﻮﺭﯼ ﺩﻧﯿﺎ ﻣﯿﮟ ﺟﻮ ﻣﻘﺒﻮﻟﯿﺖ ﻧﺼﯿﺐ ﮨﻮﺋﯽ ﻭﮦ ﺍﭘﻨﯽ
ﻣﺜﺎ ﻝ ﺁﭖ ﮨﮯ ۔ﺍﺱ ﻣﻘﺒﻮﻟﯿﺖ ﺍﻭﺭ ﺍﺣﺘﺮﺍﻡ ﻣﯿﮟ ﮐﻮﺋﯽ ﺍﻥ ﮐﺎ ﮨﻢ ﭘﻠﮧ ﺩﮐﮭﺎﺋﯽ
ﻧﮩﯿﮟ ﺩﯾﺘﺎ ۔ﺍﻧﮭﻮﮞ ﻧﮯ ﺍﺭﺩﻭ ﺯﺑﺎﻥ ﻭ ﺍﺩﺏ ﮐﮯ ﻓﺮﻭﻍ ﮐﻮ ﮨﻤﯿﺸﮧ ﺍﭘﻨﯽ ﺍﻭﻟﯿﻦ ﺗﺮﺟﯿﺢ
ﻗﺮﺍﺭ ﺩﯾﺎ ۔ﺍﻧﮭﻮﮞ ﻧﮯ ﭘﺎﮐﺴﺘﺎﻧﯽ ﺍﮨﻞ ﻗﻠﻢ ﮐﻮ ﻋﺰﺕ ﻧﻔﺲ ﮐﮯ ﺳﺎﺗﮫ ﺯﻧﺪﮔﯽ ﺑﺴﺮ
ﮐﺮﻧﮯ ﮐﺎ ﺣﻮﺻﻠﮧ ﻋﻄﺎﮐﯿﺎ۔ﺳﻠﻄﺎﻧﯽ ﺀﺟﻤﮩﻮﺭ ﺍﻭﺭ ﻟﻔﻆ ﮐﯽ ﺣﺮﻣﺖ ﮐﮯ ﻟﯿﮯ
ﺍﻧﮭﻮﮞ ﻧﮯ ﺟﻮ ﻗﺮﺑﺎﻧﯿﺎﮞ ﺩﯾﮟ، ﺍﻥ ﻣﯿﮟ ﮐﻮﺋﯽ ﺍﻥ ﮐﺎ ﺷﺮﯾﮏ ﺍﻭﺭ ﺳﮩﯿﻢ ﻧﮩﯿﮟ ۔
ﺍﺣﻤﺪ ﻓﺮﺍﺯ ﻧﮯ ﺍﺭﺩﻭ ﺷﺎﻋﺮﯼ ﮐﻮ ﺍﯾﮏ ﻣﻨﻔﺮﺩ ﻟﮩﺠﮯ ﺳﮯ ﺁﺷﻨﺎ ﮐﯿﺎ۔ﺍﺱ ﻣﯿﮟ
ﺭﻧﮓ ،ﺧﻮﺷﺒﻮ ،ﺣﺴﻦ ﻭ ﺧﻮﺑﯽ ،ﺭﻭﻣﺎﻥ ﺍﻭﺭ ﺟﺒﺮ ﮐﮯ ﺧﻼﻑ ﻣﺰﺍﺣﻤﺖ ﮐﮯ ﺗﻤﺎ ﻡ
ﺍﺳﺘﻌﺎﺭﮮ ﺳﻤﭧ ﺁﺋﮯ ﺗﮭﮯ ۔ﺯﻧﺪﮔﯽ ﮐﯽ ﺍﻗﺪﺍﺭ ﻋﺎﻟﯿﮧ ﮐﮯ ﺗﺤﻔﻆ ﭘﺮ ﻭﮦ ﺍﭘﻨﯽ
ﺗﻮﺟﮧ ﻣﺮﮐﻮﺯ ﺭﮐﮭﺘﮯ ۔ﺍﻥ ﮐﮯ ﻣﺰﺍﺝ ﻣﯿﮟ ﺍﺧﻼﻕ ،ﺍﺧﻼﺹ ﺍﻭﺭ ﺑﮯ ﻟﻮﺙ ﻣﺤﺒﺖ
ﮐﮯ ﺟﺬﺑﺎﺕ ﮐﯽ ﻓﺮﺍﻭﺍﻧﯽ ﺗﮭﯽ ۔ﺍﭘﻨﮯ ﺗﺮﻗﯽ ﭘﺴﻨﺪﺍﻧﮧ ﺷﻌﻮﺭ ﮐﻮ ﺑﺮﻭﺋﮯ ﮐﺎﺭ ﻻﺗﮯ
ﮨﻮﺋﮯ ﺍﻧﮭﻮﮞ ﻧﮯ ﻧﮧ ﺻﺮﻑ ﻓﺴﻄﺎﺋﯽ ﺟﺒﺮ ﮐﮯ ﺧﻼﻑ ﻣﺰﺍﺣﻤﺖ ﮐﯽ ﺑﻠﮑﮧ ﮨﺮ
ﻇﺎﻟﻢ ﭘﮧ ﻟﻌﻨﺖ ﺑﮭﯿﺠﻨﺎ ﺍﭘﻨﺎ ﻧﺼﺐ ﺍﻟﻌﯿﻦ ﺑﻨﺎﯾﺎ۔ﺍﻥ ﮐﯽ ﺯﻧﺪﮔﯽ ﻣﯿﮟ ﻭﺍﻗﻌﮧ
ﮐﺮﺑﻼﮐﻮ ﺣﺮﯾﺖ ﻓﮑﺮ ﮐﮯ ﺍﯾﮏ ﺍﯾﺴﮯ ﺍﺳﺘﻌﺎﺭﮮ ﮐﯽ ﺣﯿﺜﯿﺖ ﺣﺎﺻﻞ ﮨﮯ ﺟﻮ ﮨﺮ
ﻋﮩﺪ ﻣﯿﮟ ﺩﻟﻮﮞ ﮐﻮ ﻣﺮﮐﺰ ﻣﮩﺮ ﻭ ﻭﻓﺎ ﮐﺮﻧﮯ ﮐﺎ ﻭﺳﯿﻠﮧ ﺛﺎﺑﺖ ﮨﻮ ﮔﺎ۔ﺣﻀﺮﺕ ﺍﻣﺎﻡ
ﺣﺴﯿﻦ ؓ ﻧﮯ ﻣﯿﺪﺍﻥ ﮐﺮﺑﻼ ﻣﯿﮟ ﺟﻮ ﻓﻘﯿﺪ ﺍﻟﻤﺜﺎﻝ ﻗﺮﺑﺎﻧﯽ ﺩﯼ ﺍﺱ ﻧﮯ ﻗﯿﺎﻣﺖ ﺗﮏ
ﮐﮯ ﻟﯿﮯ ﺍﺳﺘﺒﺪﺍﺩ ﮐﻮ ﺑﯿﺦ ﻭ ﺑﻦ ﺳﮯ ﺍﮐﮭﺎﮌ ﭘﮭﯿﻨﮑﺎ۔ﺍﺣﻤﺪ ﻓﺮﺍﺯ ﮐﯽ ﺷﺎﻋﺮﯼ
ﻣﯿﮟ ﻧﻮﺍﺳﮧ ﺀﺭﺳﻮﻝ ﺣﻀﺮﺕ ﺍﻣﺎﻡ ﺣﺴﯿﻦ ؓﮐﯽ ﻗﺮﺑﺎﻧﯽ ﮐﻮ ﮐﻠﯿﺪﯼ ﺍﮨﻤﯿﺖ ﮐﺎﺣﺎﻣﻞ
ﻗﺮﺍﺭﺩﯾﺎ ﮔﯿﺎ ﮨﮯ ۔ﺍﺱ ﻋﻈﯿﻢ ﻗﺮﺑﺎﻧﯽ ﻧﮯ ﻭﯾﺮﺍﻧﮯ ﮐﯽ ﻗﺴﻤﺖ ﺑﺪﻝ ﺩﯼ ﺍﻭﺭ
ﻗﯿﺎﻣﺖ ﺗﮏ ﮐﮯ ﻟﯿﮯ ﺣﺮﯾﺖ ﻓﮑﺮﮐﮯ ﻣﺠﺎﮨﺪﻭﮞ ﮐﮯ ﻟﯿﮯ ﻻﺋﺤﮧﺀﻋﻤﻞ ﮐﺎ ﺗﻌﯿﻦ ﮐﺮ
ﺩﯾﺎ :
ﺳﻼﻡ ﺍﺱ ﭘﺮ
ﺣﺴﯿﻦؓ!
ﺍﮮ ﻣﯿﺮﮮ ﺳﺮ ﺑﺮﯾﺪﮦ
ﺑﺪﻥ ﺩﺭﯾﺪﮦ
ﺳﺪﺍ ﺗﺮﺍ ﻧﺎﻡ ﺑﺮ ﮔﺰﯾﺪﮦ
ﻣﯿﮟ ﮐﺮﺑﻼ ﮐﮯ ﻟﮩﻮ ﻟﮩﻮ ﺩﺷﺖ ﻣﯿﮟ ﺗﺠﮭﮯ
ﺩﺷﻤﻨﻮﮞ ﮐﮯ ﻧﺮﻏﮯ ﻣﯿﮟ
ﺗﯿﻎ ﺩﺭ ﺩﺳﺖ ﺩﯾﮑﮭﺘﺎ ﮨﻮﮞ
ﻣﯿﮟ ﺩﯾﮑﮭﺘﺎ ﮨﻮﮞ
ﮐﮧ ﺗﯿﺮﮮ ﺳﺎﺭﮮ ﺭﻓﯿﻖ
ﺳﺐ ﮨﻢ ﻧﻮﺍ
ﺳﺒﮭﯽ ﺟﺎﮞ ﻓﺮﻭﺵ
ﺍﭘﻨﮯ ﺳﺮﻭﮞ ﮐﯽ ﻓﺼﻠﯿﮟ ﮐﭩﺎ ﭼﮑﮯ ﮨﯿﮟ
ﮔﻼﺏ ﺳﮯ ﺟﺴﻢ ﺍﭘﻨﮯ ﺧﻮﮞ ﻣﯿﮟ ﻧﮩﺎ ﭼﮑﮯ ﮨﯿﮟ
ﮨﻮﺍﺋﮯ ﺟﺎﮞ ﮐﺎﮦ ﮐﮯ ﺑﮕﻮﻟﮯ
ﭼﺮﺍﻍ ﺳﮯ ﺗﺎﺏ ﻧﺎﮎ ﭼﮩﺮﮮ ﺑﺠﮭﺎ ﭼﮑﮯ ﮨﯿﮟ
ﻣﺴﺎﻓﺮﺍﻥ ﺭﮦ ﻭﻓﺎ ﻟﭧ ﻟﭩﺎ ﭼﮑﮯ ﮨﯿﮟ
ﺍﻭﺭ ﺍﺏ ﻓﻘﻂ ﺗﻮ
ﺯﻣﯿﮟ ﮐﮯ ﺍﺱ ﺷﻔﻖ ﮐﺪﮮ ﻣﯿﮟ
ﺳﺘﺎﺭﮦﺀﺻﺒﺢ ﮐﯽ ﻃﺮﺡ
ﺭﻭﺷﻨﯽ ﮐﺎ ﭘﺮﭼﻢ ﻟﯿﮯ ﮐﮭﮍﺍ ﮨﮯ
ﯾﮧ ﺍﯾﮏ ﻣﻨﻈﺮ ﻧﮩﯿﮟ ﮨﮯ
ﺍﯾﮏ ﺩﺍﺳﺘﺎﮞ ﮐﺎ ﺣﺼﮧ ﻧﮩﯿﮟ ﮨﮯ
ﺍﯾﮏ ﻭﺍﻗﻌﮧ ﻧﮩﯿﮟ ﮨﮯ
ﯾﮩﯿﮟ ﺳﮯ ﺗﺎﺭﯾﺦ
ﺍﭘﻨﮯ ﺗﺎﺯﮦ ﺳﻔﺮ ﮐﺎ ﺁﻏﺎﺯ ﮐﺮ ﺭﮨﯽ ﮨﮯ
ﯾﮩﯿﮟ ﺳﮯ ﺍﻧﺴﺎﻧﯿﺖ
ﻧﺌﯽ ﺭﻓﻌﺘﻮﮞ ﮐﻮ ﭘﺮﻭﺍﺯﮐﺮﺭﮨﯽ ﮨﮯ
ﻣﯿﮟ ﺁﺝ ﺍﺳﯽ ﮐﺮﺑﻼ ﻣﯿﮟ
ﺑﮯ ﺁﺑﺮﻭ ……. ﻧﮕﻮﮞ ﺳﺮ
ﺷﮑﺴﺖ ﺧﻮﺭﺩﮦ ﺧﺠﻞ ﮐﮭﮍﺍ ﮨﻮﮞ
ﺟﮩﺎﮞ ﺳﮯ ﻣﯿﺮﺍ ﻋﻈﯿﻢ ﮨﺎﺩﯼ
ﺣﺴﯿﻦ ؓ ﮐﻞ ﺳﺮﺧﺮﻭ ﮔﯿﺎ ﮨﮯ
ﻣﯿﮟ ﺟﺎﮞ ﺑﭽﺎ ﮐﺮ
ﻓﻨﺎ ﮐﯽ ﺩﻟﺪﻝ ﻣﯿﮟ ﺟﺎﮞ ﺑﮧ ﻟﺐ ﮨﻮﮞ
ﺯﻣﯿﻦ ﺍﻭﺭ ﺁﺳﻤﺎﻥ ﮐﮯ ﻋﺰﻭ ﻓﺨﺮ
ﺳﺎﺭﮮ ﺣﺮﺍﻡ ﻣﺠﮫ ﭘﺮ ﻭﮦ ﺟﺎﮞ ﻟﭩﺎ ﮐﺮ
ﻣﻨﺎﺭﮦﺀﻋﺮﺵ ﭼﮭﻮ ﮔﯿﺎ ﮨﮯ
ﺳﻼﻡ ﺍﺱ ﭘﺮ
ﺳﻼﻡ ﺍﺱ ﭘﺮ

ﺍﺣﻤﺪ ﻓﺮﺍﺯ ﻧﮯ ﺍﭘﻨﮯ ﻋﮩﺪ ﮐﮯ ﺗﺮﻗﯽ ﭘﺴﻨﺪ ﺍﺩﯾﺒﻮﮞ ﮐﮯ ﺍﻓﮑﺎﺭ ﺳﮯ ﮔﮩﺮﮮ ﺍﺛﺮﺍﺕ
ﻗﺒﻮﻝ ﮐﯿﮯ ۔ﺍﻧﮭﻮﮞ ﻧﮯ ﺯﻧﺪﮔﯽ ﮐﮯ ﺗﻠﺦ ﺣﻘﺎﺋﻖ ﮐﯽ ﺗﺮﺟﻤﺎﻧﯽ ﮐﺮﺗﮯ ﮨﻮﺋﮯ ﺍﺱ
ﺟﺎﻧﺐ ﺗﻮﺟﮧ ﻣﺮﮐﻮﺯ ﺭﮐﮭﯽ ﮐﮧ ﺯﻧﺪﮔﯽ ﮐﯽ ﺣﻘﯿﻘﯽ ﻣﻌﻨﻮﯾﺖ ﮐﻮ ﺍﺟﺎﮔﺮ ﮐﯿﺎ
ﺟﺎﺋﮯ ۔ﻭﮦ ﺗﻤﺎﻡ ﺗﺎﺭﯾﺨﯽ ﺻﺪﺍﻗﺘﯿﮟ ﻣﻨﻈﺮ ﻋﺎﻡ ﭘﺮ ﻻﺋﯽ ﺟﺎﺋﯿﮟ ﺟﻮ ﺍﺑﻠﻖ ﺍﯾﺎﻡ ﮐﮯ
ﺳﻤﻮﮞ ﮐﯽ ﮔﺮﺩ ﻣﯿﮟ ﺍﻭﺟﮭﻞ ﮨﻮ ﭼﮑﯽ ﮨﯿﮟ ۔ﺍﻧﮭﻮﮞﻨﮯ ﺍﻧﺴﺎﻧﯽ ﺯﻧﺪﮔﯽ ﮐﮯ
ﺟﻤﻠﮧ ﻣﻈﺎﮨﺮ ﮐﻮ ﺟﺲ ﺧﻠﻮﺹ ﺍﻭﺭ ﺩﺭﺩﻣﻨﺪﯼ ﺳﮯ ﺑﺎﮨﻢ ﻣﺮﺑﻮﻁ ﮐﯿﺎ ﮨﮯ ﻭﮦ ﺍﻥ
ﮐﮯ ﺍﺳﻠﻮﺏ ﮐﺎ ﺍﻣﺘﯿﺎﺯﯼ ﻭﺻﻒ ﮨﮯ ۔ﺍﻥ ﮐﮯ ﺗﺨﻠﯿﻘﯽ ﻋﻤﻞ ﻣﯿﮟ ﺍﺱ ﻋﺎﻟﻢ ﺁﺏ
ﻭ ﮔﻞ ﮐﮯ ﺟﻤﻠﮧ ﻣﻈﺎﮨﺮ ﺍﻭﺭ ﺑﻨﯽ ﻧﻮﻉ ﺍﻧﺴﺎﮞ ﮐﻮ ﺍﯾﮏ ﺍﯾﺴﯽ ﺟﺎﻣﻌﯿﺖ ﺍﻭﺭ
ﮐﻠﯿﺖ ﮐﮯ ﺳﺎﺗﮫ ﻗﻠﻢ ﺍﻭﺭ ﻗﺮﻃﺎﺱ ﮐﮯ ﻣﻌﺘﺒﺮ ﺣﻮﺍﻟﮯ ﮐﮯ ﻃﻮﺭ ﭘﺮ ﭘﯿﺶ ﮐﯿﺎ
ﮔﯿﺎ ﮨﮯ ﮐﮧ ﺍﺱ ﮐﯽ ﺗﺎﺛﯿﺮ ﻗﺎﺭﯼ ﮐﮯ ﻗﻠﺐ ﺍﻭﺭ ﺭﻭﺡ ﮐﯽ ﮔﮩﺮﺍﺋﯿﻮﮞ ﻣﯿﮟ ﺍﺗﺮ ﮐﺮ
ﺍﭘﻨﯽ ﺗﺎﺛﯿﺮ ﮐﺎ ﻟﻮﮨﺎ ﻣﻨﻮﺍ ﻟﯿﺘﯽ ﮨﮯ ﺍﻥ ﮐﮯ ﺧﯿﺎﻻﺕ ﻣﯿﮟ ﻧﺪﺭﺕ ﺍﻭﺭ ﺗﻨﻮﻉ ﮐﺎ
ﮐﺮﺷﻤﮧ ﺩﺍﻣﻦ ﺩﻝ ﮐﮭﯿﻨﭽﺘﺎ ﮨﮯ ۔ﺍﻥ ﮐﮯ ﻣﻨﻔﺮﺩ ﺍﺳﻠﻮﺏ ﮐﯽ ﺍﺳﺎﺱ ﺍﻥ ﮐﮯ ﻭﮦ
ﻣﺴﺤﻮﺭ ﮐﻦ ﺗﺨﻠﯿﻘﯽ ﺗﺠﺮﺑﺎﺕ ﮨﯿﮟ ﺟﻮ ﺍﻥ ﮐﮯ ﺩﺍﺧﻠﯽ ﺍﻭﺭ ﺧﺎﺭﺟﯽ ﻧﻮﻋﯿﺖ ﮐﮯ
ﺟﺬﺑﺎﺕ ﮐﮯ ﺁﺋﯿﻨﮧ ﺩﺍﺭ ﮨﯿﮟ ۔ﺍﺩﺑﯽ ﺍﻗﺪﺍﺭ ﻭ ﺭﻭﺍﯾﺎﺕ ﮐﻮ ﻭﮦ ﺩﻝ ﻭ ﺟﺎﮞ ﺳﮯ ﻋﺰﯾﺰ
ﺭﮐﮭﺘﮯ ﮨﯿﮟ ۔ﺗﺨﻠﯿﻖ ﻓﻦ ﮐﮯ ﻟﻤﺤﻮﮞ ﻣﯿﮟ ﻭﮦ ﺍﺱ ﺍﻧﺪﺍﺯ ﺳﮯ ﺍﭘﻨﮯ ﺗﺨﯿﻞ ﮐﯽ
ﺟﻮﻻﻧﯿﺎﮞ ﺩﮐﮭﺎﺗﮯ ﮨﯿﮟ ﮐﮧ ﻗﺎﺭﯼ ﺍﻥ ﮐﯽ ﻣﻌﺠﺰ ﻧﻤﺎ ﺗﺎﺛﯿﺮ ﺳﮯ ﻣﺴﺤﻮﺭ ﮨﻮ ﺟﺎﺗﺎ
ﮨﮯ ﺍﻭﺭ ﺍﺳﮯ ﯾﻮﮞ ﻣﺤﺴﻮﺱ ﮨﻮﺗﺎﮨﮯ ﮐﮧ ﺷﺎﻋﺮ ﺍﯾﮏ ﻣﺴﯿﺤﺎ ﮐﯽ ﺻﻮﺭﺕ ﻣﯿﮟ
ﻣﺮﮨﻢ ﺑﮧ ﺩﺳﺖ ﺍﺱ ﮐﯽ ﻏﻢ ﺧﻮﺍﺭﯼ ﮐﮯ ﻟﯿﮯ ﺁﯾﺎ ﮨﮯ ۔ﺍﺭﺩﻭ ﺷﺎﻋﺮﯼ ﻣﯿﮞﺤﺮﯾﺖ
ﻓﮑﺮ ﮐﯽ ﺟﺲ ﺭﻭﺍﯾﺖ ﮐﺎ ﺁﻏﺎﺯ ﺳﯿﺪ ﻣﺤﻤﺪ ﺟﻌﻔﺮ ﺯﭨﻠﯽ ﺳﮯ ﮨﻮﺍ، ﻭﮦ ﺍﺣﻤﺪ ﻓﺮﺍﺯ
ﺗﮏ ﺁﺗﮯ ﺁﺗﮯ ﺑﮩﺖ ﻣﻀﺒﻮﻁ ﺍﻭﺭ ﻣﺴﺘﺤﮑﻢ ﺻﻮﺭﺕ ﺍﺧﺘﯿﺎﺭ ﮐﺮﮔﺌﯽ ۔ﺍﻥ ﮐﮯ ﻣﻨﻔﺮﺩ
ﺍﺳﻠﻮﺏ ﮐﮯ ﺳﻮﺗﮯ ﺣﺮﯾﺖ ﻓﮑﺮ ﮐﯽ ﺍﺳﯽ ﺩﺭﺧﺸﺎﮞ ﺭﻭﺍﯾﺖ ﺳﮯ ﭘﮭﻮﭨﺘﮯ ﮨﯿﮟ ۔
ﺍﻣﺮﻭﺯ ﮐﯽ ﺷﻮﺭﺵ ﻣﯿﮟ ﻭﮦ ﺍﻧﺪﯾﺸﮧ ﺀﻓﺮﺩﺍ ﺳﮯ ﻣﺘﻤﺘﻊ ﮨﯿﮟ ﺍﻭﺭ ﺍﻥ ﮐﮯ ﺍﺳﻠﻮﺏ
ﻣﯿﮟ ﭘﺮ ﺧﻠﻮﺹ ﺟﺬﺑﺎﺕ،ﺣﻘﯿﻘﯽ ﺍﺣﺴﺎﺳﺎﺕ ،ﻣﺴﺎﺋﻞ ﺯﯾﺴﺖ ﮐﺎ ﺍﺩﺭﺍﮎ ﺍﻭﺭ
ﺍﻧﺴﺎﻧﯽ ﮨﻤﺪﺭﺩﯼ ﮐﺎ ﺟﻮ ﺍﺭﻓﻊ ﻣﻌﯿﺎﺭ ﻧﻈﺮ ﺁﺗﺎ ﮨﮯ ﻭﮦ ﺍﻧﮭﯿﮟ ﺍﭘﻨﮯ ﻋﮩﺪ ﮐﮯ
ﻣﻨﻔﺮﺩ ﺍﻭﺭ ﻣﻤﺘﺎﺯ ﺗﺨﻠﯿﻖ ﮐﺎﺭ ﮐﮯ ﻣﻨﺼﺐ ﭘﺮﻓﺎﺋﺰ ﮐﺮﺗﺎ ﮨﮯ ۔ﻓﺴﻄﺎﺋﯽ ﺟﺒﺮ ﻧﮯ
ﻣﻌﺎﺷﺮﺗﯽ ﺯﻧﺪﮔﯽ ﻣﯿﮟ ﺧﻮﻑ ﮐﯽ ﺟﻮ ﺩﯾﻮﺍﺭ ﮐﮭﮍﯼ ﮐﺮ ﺭﮐﮭﯽ ﮨﮯ ﺍﺳﮯ ﻣﮑﻤﻞ
ﻃﻮﺭ ﭘﺮ ﻣﻨﮩﺪﻡ ﮐﺮﻧﺎ ﺍﺣﻤﺪ ﻓﺮﺍﺯ ﮐﺎ ﻣﻄﻤﺢ ﻧﻈﺮ ﮨﮯ ۔ﺍﺱ ﺷﮩﺮ ﻧﺎ ﭘﺮﺳﺎﮞ
ﻣﯿﮞﻘﺎﺗﻠﻮﮞ ﮐﮯ ﮨﺎﺗﮫ ﻣﯿﮟ ﺗﻠﻮﺍﺭ ﺩﯾﮑﮫ ﮐﺮ ﻭ ﮦ ﭼﭗ ﻧﮩﯿﮟ ﺭﮦ ﺳﮑﺘﮯ ۔ ﻋﮩﺪ ﺳﺘﻢ
ﻣﯿﮟ ﻭﮦ ﺟﺲ ﺍﻧﺪﺍﺯ ﻣﯿﮟ ﺭﮨﮯ ﺍﻭﺭ ﺍﭘﻨﯽ ﭘﺮ ﻧﻢ ﺁﻧﮑﮭﻮﮞ ﺳﮯ ﻭﮦ ﺟﻮ ﮐﭽﮫ
ﺩﯾﮑﮭﺘﮯ ﮨﯿﮟ ﺍﺱ ﮐﺎ ﺟﻤﻠﮧ ﺍﺣﻮﺍﻝ ﻭﮦ ﺍﭘﻨﯽ ﺷﺎﻋﺮﯼ ﻣﯿﮟ ﺑﯿﺎﻥ ﮐﺮ ﺩﯾﺘﮯ ﮨﯿﮟ ۔
ﺍﻥ ﮐﮯ ﺣﺮﻭﻑ ﺍ ﻥ ﮐﮯ ﻋﮩﺪ ﮐﯽ ﻣﺘﻌﺪﺩ ﺣﮑﺎﯾﺎﺕ ﺧﻮﮞ ﭼﮑﺎﮞ ﮐﻮ ﺍﭘﻨﮯ ﺩﺍﻣﻦ ﻣﯿﮟ
ﺳﻤﻮﺋﮯ ﮨﻮﺋﮯ ﮨﯿﮟ ۔ﮐﻮﺋﯽ ﺻﻨﻒ ﺍﺩﺏ ﮨﻮ ﺍﺣﻤﺪ ﻓﺮﺍﺯ ﮐﺎ ﻗﻠﻢ ﺿﻤﯿﺮ ﮐﯽ ﻟﻠﮑﺎﺭ
ﺍﻭﺭﺣﺮﯾﺖ ﻓﮑﺮ ﮐﯽ ﭘﯿﮑﺎﺭ ﮐﯽ ﺷﮑﻞ ﻣﯿﮟ ﺟﺒﺮ ﮐﮯ ﺍﯾﻮﺍﻧﻮﮞ ﭘﺮ ﻟﺮﺯﮦ ﻃﺎﺭﯼ ﮐﺮ
ﺩﯾﺘﺎ ﮨﮯ ۔ﮨﺰﺍﺭﺧﻮﻑ ﮨﻮ ﻟﯿﮑﻦ ﺍﻥ ﮐﯽ ﺯﺑﺎﮞ ﮨﻤﯿﺸﮧ ﺍﻥ ﮐﮯ ﺩﻟﯽ ﺟﺬﺑﺎﺕ ﮐﯽ
ﺗﺮﺟﻤﺎﻧﯽ ﮐﺮﺗﯽ ﮨﮯ ۔ﺟﮩﺎﮞ ﺑﮭﯽ ﻗﺎﺗﻞ ﺍﻭﺭ ﻣﻈﻠﻮ ﻡ ﻭ ﺑﮯ ﻧﻮﺍ ﺑﺴﻤﻞ ﮐﺎ ﺫﮐﺮ
ﺁﺗﺎ ﮨﮯ ﺍﺣﻤﺪ ﻓﺮﺍﺯ ﺳﺴﮑﺘﮯ ﺑﺴﻤﻞ ﺍﻧﺴﺎﻧﻮﮞ ﮐﯽ ﺻﻒ ﻣﯿﮟ ﮐﮭﮍﮮ ﮨﻮ ﮐﺮ
ﺷﻘﯽ ﺍﻟﻘﻠﺐ ﻇﺎﻟﻤﻮﮞ ﮐﻮ ﻟﻠﮑﺎﺭﺗﮯ ﮨﯿﮟ ﮐﮧ ﺍﮔﺮ ﺍﻥ ﻣﯿﮟ ﺍ ﺗﻨﯽ ﺗﺎﺏ ﻭ ﺗﻮﺍﮞ ﮨﮯ
ﺗﻮ ﺍﻥ ﮐﺎ ﺑﮭﯽ ﮐﺎﻡ ﺗﻤﺎﻡ ﮐﺮ ﺩﯾﮟ۔ﺟﺐ ﻭﮦ ﯾﮧ ﺩﯾﮑﮭﺘﮯ ﮨﯿﮟ ﮐﮧ ﮨﻮﺍﺋﮯ ﺟﻮﺭﻭ
ﺳﺘﻢ ﮐﮯ ﻣﺴﻤﻮﻡ ﺍﺛﺮﺍﺕ ﮐﮯ ﺑﺎﻋﺚ ﺭﺗﯿﮟ ﺑﮯ ﺛﻤﺮ ،ﮐﻠﯿﺎﮞ ﺷﺮﺭ ،ﻓﻀﺎﺋﯿﮟ ﺑﮯ
ﺍﺑﺮ ،ﺯﻧﺪﮔﯿﺎﮞ ﭘﺮ ﺧﻄﺮ ،ﺷﺠﺮ ﻣﺤﺮﻭﻡ ﺗﺮ ﺍﻭﺭ ﺁﮨﯿﮟ ﺑﮯ ﺍﺛﺮ ﮨﻮﺗﯽ ﺟﺎﺭﮨﯽ ﮨﯿﮟ ﺗﻮ
ﻭﮦ ﻧﮩﺎﯾﺖ ﻋﻘﯿﺪﺕ ،ﻋﺠﺰ ﻭ ﺍﻧﮑﺴﺎﺭ ﺍﻭ ﺭﺩﺭﺩﻣﻨﺪﯼ ﺳﮯ ﺣﻀﻮﺭ ﺧﺘﻢ
ﺍﻟﻤﺮﺳﻠﯿﻦﷺﮐﯽ ﺑﺎﺭﮔﺎﮦ ﻣﯿﮟ ﺍﭘﻨﮯ ﻗﻠﺒﯽ ﺍﺣﺴﺎﺳﺎﺕ ﺍﻭﺭ ﺩﺍﺳﺘﺎﻥ ﻏﻢ ﺍﺱ ﻃﺮﺡ
ﺑﯿﺎﻥ ﮐﺮﺗﮯ ﮨﯿﮟ :

ﻣﯿﺮﮮ ﺭﺳﻮﻝﷺ ﮐﮧ ﻧﺴﺒﺖ ﺗﺠﮭﮯ ﺍﺟﺎﻟﻮﮞ ﺳﮯ
ﻣﯿﮟ ﺗﯿﺮﺍ ﺫﮐﺮ ﮐﺮﻭﮞ ﺻﺒﺢ ﮐﮯ ﺣﻮﺍﻟﻮﮞ ﺳﮯ
ﺗﻮ ﺭﻭﺷﻨﯽ ﮐﺎ ﭘﯿﻤﺒﺮﷺ ﮨﮯ ﺍﻭﺭ ﻣﺮﯼ ﺗﺎﺭﯾﺦ
ﺑﮭﺮﯼ ﭘﮍﯼ ﮨﮯ ﺷﺐ ﻇﻠﻢ ﮐﯽ ﻣﺜﺎﻟﻮﮞ ﺳﮯ

ﺍﺣﻤﺪ ﻓﺮﺍﺯ ﮐﮯ ﺍﺳﻠﻮﺏ ﻣﯿﮟ ﺍﻧﺴﺎﻧﯿﺖ ﮐﮯ ﻭﻗﺎﺭ ﺍﻭﺭ ﺳﺮ ﺑﻠﻨﺪﯼ ﮐﯽ ﺟﺪ ﻭﺟﮩﺪ
ﮐﻮ ﮐﻠﯿﺪﯼ ﻣﻘﺎﻡ ﺣﺎﺻﻞ ﮨﮯ ۔ﺍﻥ ﮐﯽ ﺑﯿﺎﺽ ﺷﻌﺮ ﻣﯿﮟ ﺍﺳﻼﻡ ﮐﯽ ﺁﻓﺎﻗﯽ
ﺗﻌﻠﯿﻤﺎﺕ ﮐﺎ ﺟﻮ ﭘﺮﺗﻮ ﺩﮐﮭﺎﺋﯽ ﺩﯾﺘﺎ ﮨﮯ ﻭﮦ ﺣﻀﻮﺭ ﺧﺘﻢ ﺍﻟﻤﺮﺳﻠﯿﮟ ﷺﺳﮯ ﺍﻥ
ﮐﯽ ﻗﻠﺒﯽ ﻣﺤﺒﺖ ﮐﺎ ﺁﺋﯿﻨﮧ ﺩﺍﺭ ﮨﮯ ۔ﺗﻤﺎﻡ ﺯﻣﺎﻧﻮﮞ ﮐﯽ ﺳﺎﻋﺘﯿﮟ ﺍﻥ ﮐﮯ ﭘﯿﺶ
ﻧﻈﺮ ﮨﯿﮟ ۔ﺍﻧﮭﯿﮟ ﺍ ﺱ ﺑﺎﺕ ﮐﺎ ﯾﻘﯿﻦ ﮨﮯ ﮐﮧ ﺁﺝ ﺑﮭﯽ ﺍﮔﺮ ﺍﺑﺮﺍﮨﯿﻢ ؑﮐﺎ ﺍﯾﻤﺎﻥ
ﭘﯿﺪﺍ ﮨﻮ ﺟﺎﺋﮯ ﺗﻮ ﺁﮒ ﯾﻘﯿﻨﯽ ﻃﻮﺭ ﭘﺮ ﺍﻧﺪﺍﺯ ﮔﻠﺴﺘﺎﮞ ﭘﯿﺪﺍ ﮐﺮ ﺳﮑﺘﯽ ﮨﮯ ۔ﺣﻀﻮﺭ
ﷺﻧﺒﯽ ﮐﺮﯾﻢ ﮐﯽ ﺫﺍﺕ ﺍﻗﺪﺱ ﮐﮯ ﺳﺎﺗﮫ ﺍﻥ ﮐﯽ ﺟﻮ ﻭﺍﻟﮩﺎﻧﮧ ﻣﺤﺒﺖ ﺍﻭﺭﻋﻘﯿﺪﺕ
ﮨﮯ ﻭﮦ ﺍﻥ ﮐﯽ ﺷﺎﻋﺮ ﯼ ﻣﯿﮟ ﻧﻤﺎﯾﺎﮞ ﮨﮯ ۔ﻭﮦ ﺟﺎﻧﺘﮯ ﮨﯿﮟ ﮐﮧ ﺣﻀﻮﺭ ﷺ ﮐﯽ
ﺫﺍﺕ ﺑﺎ ﺑﺮﮐﺎﺕ ﮐﮯ ﺍﺳﻮﮦ ﺀﺣﺴﻨﮧ ﭘﺮ ﻋﻤﻞ ﮐﺮﻧﮯ ﮨﯽ ﺳﮯ ﮨﻤﺎﺭﮮ ﺩﮐﮭﻮﮞ ﮐﺎ
ﻣﺪﺍﻭﺍ ﮨﻮﻧﮯ ﮐﯽ ﮐﻮﺋﯽ ﺻﻮﺭﺕ ﭘﯿﺪﺍ ﮨﻮ ﺳﮑﺘﯽ ﮨﮯ ﺍﺳﯽ ﻟﯿﮯ ﻭﮦ ﻧﮩﺎﯾﺖ ﻋﺠﺰ ﻭ
ﺍﻧﮑﺴﺎﺭ ﺳﮯ ﺍﭘﻨﯽ ﻓﺮﯾﺎﺩ ﭘﯿﺶ ﮐﺮﺗﮯ ﮨﻮﺋﮯ ﻣﺘﻌﺪﺩ ﺗﻠﺦ ﺣﻘﺎﺋﻖ ﺳﺎﻣﻨﮯ ﻻﺗﮯ
ﮨﯿﮟ ۔ﯾﮧ ﻭﮦ ﺣﻘﺎﺋﻖ ﮨﯿﮟ ﺟﻨﮭﯿﮞﮩﻤﺎﺭﯼ ﻣﻌﺎﺷﺮﺗﯽ ﺯﻧﺪﮔﯽ ﻣﯿﮟ ﺑﺎﻟﻌﻤﻮﻡ ﻧﻈﺮ
ﺍﻧﺪﺍﺯ ﮐﺮ ﺩﯾﺎ ﺟﺎﺗﺎ ﮨﮯ ۔ ﺁﺝ ﮨﻤﺎﺭﺍﺍﻟﻤﯿﮧ ﯾﮧ ﮨﮯ ﮐﮧ ﮨﻮﺱ ﺯﺭﻭ ﻣﺎﻝ ﻭ ﺟﺎﮦ ﻭ
ﻣﻨﺼﺐ ، ﻓﺮﻗﮧ ﺑﻨﺪﯼ ﺍﻭﺭ ﺫﺍﺕ ﭘﺎﺕ ﮐﯽ ﻟﻌﻨﺘﻮﮞ ﮐﮯ ﺑﺎﻋﺚ ﭘﻮﺭﯼ ﻣﻠﺖ ﺍﺳﻼﻣﯿﮧ
ﺍﻧﺘﺸﺎﺭ ﺍﻭﺭ ﭘﺮﺍ ﮔﻨﺪﮔﯽ ﮐﯽ ﺑﮭﯿﻨﭧ ﭼﮍﮪ ﮔﺌﯽ ﮨﮯ۔ ﺍﺣﻤﺪ ﻓﺮﺍﺯ ﮐﻮ ﯾﻘﯿﻦ ﮨﮯ
ﮐﮧ ﺍﮔﺮ ﺁﺝ ﺑﮭﯽ ﻣﻠﺖ ﺍﺳﻼﻣﯿﮧ ﺣﻀﻮ ﺭ ﺧﺘﻢ ﺍﻟﻤﺮﺳﻠﯿﻦ ﺭ ﷺﮐﮯ ﻧﻘﺶ ﻗﺪﻡ
ﭘﺮ ﭼﻠﮯ ﺗﻮ ﻣﺼﺎﺋﺐ ﻭ ﺁﻻﻡ ﮐﮯ ﺑﺎﺩﻝ ﭼﮭﭧ ﺟﺎﺋﯿﮟ ﮔﮯ ﺍﻧﮭﻮﮞ ﻧﮯ ﺟﺲ ﺧﻠﻮﺹ
ﺍﻭﺭﺩﺭﺩﻣﻨﺪﯼ ﮐﮯ ﺳﺎﺗﮫ ﺣﺎﻻﺕ ﮐﺎ ﺗﺠﺰﯾﮧ ﮐﯿﺎ ﮨﮯ ﻭﮦ ﻓﮑﺮ ﭘﺮﻭﺭ ﺑﮭﯽ ﮨﮯ
ﺍﻭﺭﺧﯿﺎﻝ ﺍﻓﺮﻭﺯ ﺑﮭﯽ ۔ﺍﺱ ﻗﺴﻢ ﮐﯽ ﺷﺎﻋﺮﯼ ﻗﺎﺭﯼ ﮐﮯ ﻓﮑﺮ ﻭ ﻧﻈﺮ ﮐﻮ ﻣﮩﻤﯿﺰ
ﮐﺮ ﮐﮯ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﻣﺜﺒﺖ ﺷﻌﻮﺭﻭ ﺁﮔﮩﯽ ﭘﯿﺪﺍ ﮐﺮﻧﮯ ﻣﯿﮞﺎﮨﻢ
ﮐﺮﺩﺍﺭﺍﺩﺍ ﮐﺮﺗﯽ ﭘﮩﮯ ۔ﺍﺣﻤﺪ ﻓﺮﺍﺯ ﮐﺎ ﻟﮩﺠﮧ ﺍﻥ ﮐﯽ ﻣﻠﯽ ﺗﮍﭖ ﺍﻭﺭ ﻗﻮﻣﯽ
ﺩﺭﺩﻣﻨﺪﯼ ﮐﺎ ﻣﻈﮩﺮ ﮨﮯ :

ﺍﮮ ﺭﻭﺷﻨﯽ ﮐﮯ ﭘﯿﻤﺒﺮﷺ
ﯾﮧ ﺷﻮﺭﯾﺪﮦ ﺳﺮ ﺣﺮ ﻑ ﺯﻥ ﮨﮯ
ﮐﮧ ﻣﺤﺮﺍﺏ ﻭ ﻣﻨﺒﺮ ﺳﮯ
ﻓﺘﻮﯼٰ ﮔﺮ ﻭ ﻓﺘﻨﮧ ﭘﺮﺩﺍﺯ ﺩﯾﮟ
ﺣﺮﻑ ﺣﻖ ﺑﯿﭽﺘﮯ ﮨﯿﮟ
ﻓﻘﯿﮩﺎﻥ ﻣﺴﻨﺪ ﻧﺸﯿﮟ
ﺣﺮﺹ ﺩﯾﻨﺎﺭ ﻭ ﺩﺭﮨﻢ ﻣﯿﮟ
ﺗﯿﺮﮮ ﺻﺤﯿﻔﮯ ﮐﺎ ﺍﮎ ﺍﮎ ﻭﺭﻕ ﺑﯿﭽﺘﮯ ﮨﯿﮟ
ﭘﯿﻤﺒﺮ ﷺ!
ﻣﺠﮭﮯ ﺣﻮﺻﻠﮧ ﺩﮮ
ﮐﮧ ﻣﯿﮟ ﻇﻠﻢ ﮐﯽ ﻗﻮﺗﻮﮞ ﺳﮯ
ﺍﮐﯿﻼ ﻟﮍﺍ ﮨﻮﮞ
ﮐﮧ ﺍﺱ ﺟﮩﺎﮞ ﮐﮯ ﺟﮩﻨﻢ ﮐﺪﮮ ﻣﯿﮟ
ﺍﮐﯿﻼ ﮐﮭﮍﺍ ﮨﻮﮞ

ﺍﺣﻤﺪﻓﺮﺍﺯ ﮐﺎ ﺗﺮﻗﯽ ﭘﺴﻨﺪﺍﻧﮧ ﺷﻌﻮﺭ ﺍﺳﻼﻡ ،ﭘﯿﻐﻤﺒﺮ ﺍﺳﻼﻡ ﷺ،ﺗﺎﺭﯾﺦ ﺍﺳﻼﻡ
ﺍﻭﺭ ﻣﺸﺎﮨﯿﺮ ﺍﺳﻼﻡ ﮐﮯ ﻓﮑﺮﯼ ﻣﻨﺎﺑﻊ ﺳﮯ ﻧﻤﻮ ﭘﺎﺗﺎ ﮨﮯ ۔ﺑﮯ ﻟﻮﺙ ﻣﺤﺒﺖ ﺍﻭﺭ
ﺑﮯ ﺑﺎﮎ ﺻﺪﺍﻗﺖ ﮐﺎ ﺟﻮ ﻻﺋﻖ ﺻﺪ ﺭﺷﮏ ﻭ ﺗﺤﺴﯿﻦ ﻣﻌﯿﺎﺭ ﮨﻤﯿﮟ ﺍﻥ ﮐﮯ ﺍﺳﻠﻮﺏ
ﻣﯿﮟ ﺩﮐﮭﺎﺋﯽ ﺩﯾﺘﺎ ﮨﮯ ﻭﮦ ﺟﮩﺎﮞ ﺟﻤﺎﻟﯿﺎﺗﯽ ﺣﺴﻦ ﻭ ﺩﻝ ﮐﺸﯽ ﺍﻭﺭ ﻓﻼﺣﯽ ﻣﻌﺎﺋﺮ
ﮐﻮ ﺍﭘﻨﮯ ﺩﺍﻣﻦ ﻣﯿﮟ ﺳﻤﻮﺋﮯ ﮨﻮﺋﮯ ﮨﮯ ﻭﮨﺎﮞ ﺍﻧﺼﺎﻑ ،ﺍﻋﺘﺪﺍﻝ ﺍﻭﺭ ﺗﻮﺍﺯﻥ ﮐﯽ ﺍﯾﮏ
ﻗﺎﺑﻞ ﻗﺪﺭ ﺻﻮﺭﺕ ﺑﮭﯽ ﺍﺱ ﮐﯽ ﭘﮩﭽﺎﻥ ﺑﻦ ﺟﺎﺗﯽ ﮨﮯ ﺍﻥ ﮐﯽ ﺩﻟﯿﺮﯼ،ﺑﮯ
ﺧﻮﻓﯽ ،ﺑﮯ ﺑﺎﮐﯽ ،ﺩﺭﺩﻣﻨﺪﯼ ،ﺧﻠﻮﺹ ﺍﻭﺭ ﺣﺮﻑ ﺻﺪﺍﻗﺖ ﻟﮑﮭﻨﮯ ﮐﮯ ﻋﺰﻡ ﻧﮯ
ﺍﻥ ﮐﮯ ﺗﺨﻠﯿﻘﯽ ﻋﻤﻞ ﮐﻮ ﻣﺘﻨﻮﻉ ﺍﻭﺭ ﻣﻨﻔﺮﺩ ﺑﻨﺎ ﺩﯾﺎ ﮨﮯ ۔ ﺑﺎﺩﯼ ﺍﻟﻨﻈﺮ ﻣﯿﮟ ﮨﻤﺎﺭﺍ
ﻣﻌﺎﺷﺮﮦ ﺑﮯ ﺣﺴﯽ ﮐﺎ ﺷﮑﺎﺭ ﮨﻮﺗﺎ ﭼﻼ ﺟﺎ ﺭﮨﺎ ﮨﮯ ۔ﺍﺱ ﮐﮯ ﻣﺴﻤﻮﻡ ﺍﺛﺮﺍﺕ
ﺳﮯ ﺑﭻ ﻧﮑﻠﻨﮯ ﮐﯽ ﺍﯾﮏ ﮨﯽ ﺻﻮﺭ ﺕ ﮨﮯ ﮐﮧ ﻣﻌﺎﺷﺮﺗﯽ ﺯﻧﺪﮔﯽ ﻣﯿﮞﺤﻖ ﻭ
ﺍﻧﺼﺎﻑ ﮐﯽ ﺑﺎﻻ ﺩﺳﺘﯽ ﮐﻮ ﯾﻘﯿﻨﯽ ﺑﻨﺎﯾﺎ ﺟﺎﺋﮯ۔ﺍﺳﻼ ﻡ ﻧﮯ ﺍﻣﺘﯿﺎﺯ ﺭﻧﮓ ﻭ ﺧﻮﮞ ﮐﻮ
ﮨﻤﯿﺸﮧ ﮐﮯ ﻟﯿﮯ ﻣﭩﺎ ﺩﯾﺎ ۔ﺍﮔﺮ ﻣﻌﺎﺷﺮﺗﯽ ﺯﻧﺪﮔﯽ ﻣﯿﮟ ﻋﺪﻝ ﻭ ﺍﻧﺼﺎﻑ ﮐﺎ ﺩﻭﺭﺩﻭﺭﮦ
ﮨﻮ ﮔﺎ ﺗﻮ ﺍﺧﻼﻗﯿﺎﺕ ﮐﯽ ﺩﺭﺧﺸﺎﮞ ﺍﻗﺪﺍﺭ ﻭ ﺭﻭﺍﯾﺎﺕ ﮐﻮ ﺍﺳﺘﺤﮑﺎﻡ ﻣﻠﮯ ﮔﺎ ۔ﺍﺣﻤﺪ
ﻓﺮﺍﺯ ﮐﯽ ﺷﺎﻋﺮﯼ ﻣﯿﮟ ﻇﺎﻟﻢ ﻭ ﺳﻔﺎﮎ ،ﻣﻮﺫﯼ ﻭ ﻣﮑﺎﺭ ﺍﺳﺘﺤﺼﺎﻟﯽ ﻋﻨﺎﺻﺮﮐﮯ
ﻣﮑﺮ ﮐﯽ ﭼﺎﻟﻮ ﮞ ﺳﮯ ﺧﺒﺮﺩﺍﺭ ﮐﺮﺗﮯ ﮨﻮﺋﮯ ﻓﺴﻄﺎﺋﯽ ﺟﺒﺮﮐﮯ ﺧﻼﻑ ﮐﮭﻞ ﮐﺮ
ﺍﻇﮩﺎﺭ ﺧﯿﺎﻝ ﮐﯿﺎ ﮔﯿﺎ ﮨﮯ ۔ﻭﮦ ﮐﺴﯽ ﻣﺼﻠﺤﺖ ﮐﮯ ﻗﺎﺋﻞ ﻧﮩﯿﮟ ﺍﻭﺭ ﻧﮧ ﮨﯽ ﺍﻟﻔﺎﻅ
ﮐﻮ ﻓﺮﻏﻠﻮﮞ ﮐﻮ ﻟﭙﯿﭧ ﮐﺮ ﭘﯿﺶ ﮐﺮﺗﮯ ﮨﯿﮟ ۔ﺟﺲ ﻣﻌﺎﺷﺮﮮ ﻣﯿﮟ ﺑﮯ ﺿﻤﯿﺮﻭﮞ
ﮐﮯ ﻭﺍﺭﮮ ﻧﯿﺎﺭﮮ ﮨﻮﮞ ﺍﻭﺭ ﺧﻮﺩﺩﺍﺭ ﺍﻭﺭ ﺑﺎ ﻭﻗﺎﺭﻣﻈﻠﻮﻡ ﺍﻧﺴﺎﻧﯿﺖ ﭘﺮ ﻋﺮﺻﮧ ﺀﺣﯿﺎﺕ
ﺗﻨﮓ ﮐﺮ ﺩﯾﺎ ﺟﺎﺋﮯ ﻭﮨﺎﮞ ﺍﮨﻞ ﻭﻓﺎﮐﯽ ﺯﻧﺪﮔﯽ ﮐﺎ ﺗﻤﺎﻡ ﻣﻨﻈﺮ ﻧﺎﻣﮧ ﮔﮩﻨﺎ ﺟﺎﺗﺎ
ﮨﮯ ۔ﺍﺣﻤﺪﻓﺮﺍﺯﮐﯽ ﺷﺎﻋﺮﯼ ﻣﯿﮟ ﺍﯾﮏ ﻭﺍﺿﺢ ﭘﯿﻐﺎﻡ ﮨﮯ ﮐﮧ ﺷﻘﺎﻭﺕ ﺁﻣﯿﺰ ﻧﺎ
ﺍﻧﺼﺎﻓﯿﻮﮞ ،ﺑﮯ ﺭﺣﻤﺎﻧﮧ ﻣﺸﻖ ﺳﺘﻢ ،ﺍﻧﺘﮩﺎ ﭘﺴﻨﺪﯼ ﮐﮯ ﻣﻈﺎﻟﻢ ﺍﻭﺭ ﻧﺎﺭﻭﺍ
ﺍﻣﺘﯿﺎﺯﯼ ﺳﻠﻮﮎ ﮐﮯ ﺧﻼﻑ ﺁﻭﺍﺯ ﺑﻠﻨﺪ ﮐﺮﻧﺎ ﮨﺮ ﺑﺎﺿﻤﯿﺮﺍﻧﺴﺎﻥ ﮐﺎ ﻓﺮﺽ ﮨﮯ ۔
ﺟﺒﺮ ﮐﮯ ﺣﺒﺲ ﺯﺩﮦ ﻣﺎﺣﻮﻝ ﻣﯿﮟ ﺗﻮ ﻃﯿﻮﺭ ﺑﮭﯽ ﺍﭘﻨﮯ ﺁﺷﯿﺎﻧﻮﮞ ﻣﯿﮟ ﺩﻡ ﺗﻮﮌ ﺩﯾﺘﮯ
ﮨﯿﮟ، ﺍﻧﺴﺎﻧﯿﺖ ﮐﮯ ﻟﯿﮯ ﺍﯾﺴﺎ ﻣﺎﺣﻮﻝ ﮐﮍﯼ ﺁﺯﻣﺎﺋﺶ ﺑﻦ ﺟﺎﺗﺎ ﮨﮯ ۔ﺍﺣﻤﺪﻓﺮﺍﺯ
ﻧﮯ ﻓﺴﻄﺎﺋﯽ ﺟﺒﺮ ﮐﮯ ﺧﻼﻑ ﻗﻠﻢ ﺑﮧ ﮐﻒ ﻣﺠﺎﮨﺪ ﮐﺎ ﮐﺮﺩﺍﺭ ﺍﺩﺍ ﮐﺮﺗﮯ ﮨﻮﺋﮯ ﮨﺮ
ﺍﻭﻟﯽ ﺍﻻﻣﺮ ﭘﺮ ﻭﺍﺿﺢ ﮐﺮ ﺩﯾﺎ ﮐﮧ ﻭﮦ ﺍﭘﻨﯽ ﻓﺮﺩ ﻋﻤﻞ ﭘﺮ ﻧﻈﺮ ﺭﮐﮭﮯ ﮐﯿﻮﮞ ﮐﮧ
ﺍﺳﮯ ﺍﭘﻨﮯ ﻗﺒﯿﺢ ﮐﺮﺩﺍﺭ ﮐﮯ ﻟﯿﮯ ﻋﻮﺍﻡ ﮐﯽ ﻋﺪﺍﻟﺖ ﻣﯿﮟ ﺟﻮﺍﺏ ﺩﮦ ﮨﻮﻧﺎ ﭘﮍﮮ
ﮔﺎ ۔ﺍﻥ ﮐﯽ ﺷﺎﻋﺮﯼ ﺳﮯ ﻣﻈﻠﻮﻡ ﻃﺒﻘﮯ ﮐﻮ ﺣﻮﺻﻠﮯ ﺍﻭﺭ ﮨﻤﺖ ﮐﯽ ﻧﻮﯾﺪ ﻣﻠﺘﯽ
ﮨﮯ ﺍﻭﺭ ﮔﺮﺩﻥ ﻓﺮﺍﺯﺍﻥ ﺟﮩﺎﮞ ﮐﻮ ﻋﺒﺮﺕ ﺣﺎﺻﻞ ﮨﻮﺗﯽ ﮨﮯ ۔

ﭘﯿﭻ ﺭﮐﮭﺘﮯ ﮨﻮ ﺑﮩﺖ ﺻﺎﺣﺒﻮ ﺩﺳﺘﺎﺭ ﮐﮯ ﺑﯿﭻ
ﮨﻢ ﻧﮯ ﺳﺮ ﮔﺮﺗﮯ ﮨﻮﺋﮯ ﺩﯾﮑﮭﮯ ﮨﯿﮟ ﺑﺎﺯﺍﺭ ﮐﮯ ﺑﯿﭻ
ﺟﺐ ﺷﮩﺮ ﮐﮭﻨﮉﺭ ﺑﻦ ﺟﺎﺋﮯ ﮔﺎ ﭘﮭﺮ ﮐﺲ ﭘﺮ ﺳﻨﮓ ﺍﭨﮭﺎﺅ ﮔﮯ
ﺍﭘﻨﮯ ﭼﮩﺮﮮ ﺁﺋﯿﻨﻮﮞ ﻣﯿﮟ ﺟﺐ ﺩﯾﮑﮭﻮ ﮔﮯ ﮈﺭ ﺟﺎﺅ ﮔﮯ
ﮐﯿﺎ ﻣﺎﻝ ﻏﻨﯿﻢ ﺗﮭﺎ ﻣﺮ ﺍ ﺷﮩﺮ
ﮐﯿﻮﮞ ﻟﺸﮑﺮﯾﻮﮞ ﻣﯿﮟ ﺑﭧ ﮔﯿﺎ ﮨﮯ
ﮐﺐ ﮨﻢ ﻧﮯ ﮐﮩﺎ ﺗﮭﺎﮨﻤﯿﮟ ﺩﺳﺘﺎﺭ ﻭ ﻗﺒﺎ ﺩﻭ
ﮨﻢ ﻟﻮ ﮒ ﮔﺪﺍﮔﺮ ﮨﯿﮟ ﮨﻤﯿﮟ ﺍﺫﻥ ﻧﺪ ﺍﺩﻭ
ﻣﮑﯿﻦ ﺧﻮﺵ ﺗﮭﮯ ﮐﮧ ﺟﺐ ﺑﻨﺪ ﺗﮭﮯ ﻣﮑﺎﻧﻮﮞ ﻣﯿﮟ
ﮐﮭﻠﮯ ﮐﻮﺍﮌﺗﻮ ﺗﺎﻟﮯ ﭘﮍﮮ ﺯﺑﺎﻧﻮﮞ ﭘﺮ
ﮈﻭﺑﺘﮯ ﮈﻭﺑﺘﮯ ﮐﺸﺘﯽ ﮐﻮ ﺍﭼﮭﺎﻻ ﺩﮮ ﺩﻭﮞ
ﻣﯿﮟ ﻧﮩﯿﮟ ﮐﻮﺋﯽ ﺗﻮ ﺳﺎﺣﻞ ﭘﮧ ﺍﺗﺮ ﺟﺎﺋﮯ ﮔﺎ
ﺿﺒﻂ ﻻﺯﻡ ﮨﮯ ﻣﮕﺮ ﺩﮐﮫ ﮨﮯ ﻗﯿﺎﻣﺖ ﮐﺎ ﻓﺮﺍﺯ
ﻇﺎﻟﻢ ﺍﺏ ﮐﮯ ﺑﮭﯽ ﻧﮧ ﺭﻭﺋﮯ ﮔﺎ ﺗﻮ ﻣﺮ ﺟﺎﺋﮯ ﮔﺎ
ﮐﺴﯽ ﮐﻮ ﮔﮭﺮ ﺳﮯ ﻧﮑﻠﺘﮯ ﮨﯽ ﻣﻞ ﮔﺌﯽ ﻣﻨﺰﻝ
ﮐﻮﺋﯽ ﮨﻤﺎﺭﯼ ﻃﺮﺡ ﻋﻤﺮ ﺑﮭﺮ ﺳﻔﺮ ﻣﯿﮟ ﺭﮨﺎ
ﮐﭽﮫ ﺍﺱ ﻃﺮﺡ ﺳﮯ ﮔﺰﺍﺭﯼ ﮨﮯ ﺯﻧﺪﮔﯽ ﺟﯿﺴﮯ
ﺗﻤﺎﻡ ﻋﻤﺮ ﮐﺴﯽ ﺩﻭﺳﺮﮮ ﮐﮯ ﮔﮭﺮﻣﯿﮟ ﺭﮨﺎ

ﻭﻃﻦ ،ﺍﮨﻞ ﻭﻃﻦ ﺍﻭﺭﺍﻧﺴﺎﻧﯿﺖ ﮐﮯ ﺳﺎﺗﮫ ﻗﻠﺒﯽ ﻟﮕﺎﺅ ﺍﻭﺭﻭﺍﻟﮩﺎﻧﮧ ﻣﺤﺒﺖ ﺍﺣﻤﺪﻓﺮﺍﺯ
ﮐﮯ ﺭﯾﺸﮯ ﺭﯾﺸﮯ ﺍﻭﺭ ﻧﺲ ﻧﺲ ﻣﯿﮟ ﺳﺮﺍﯾﺖ ﮐﺮ ﮔﺌﯽ ﺗﮭﯽ ۔ﺍﭘﻨﮯ ﺟﺬﺏ ﺩﺭﻭﮞ
ﮐﻮ ﺟﺐ ﻭﮦ ﭘﯿﺮﺍﯾﮧ ﺀﺍﻇﮩﺎﺭﻋﻄﺎ ﮐﺮﺗﮯ ﮨﯿﮟ ﺗﻮ ﯾﻮﮞ ﻣﺤﺴﻮﺱ ﮨﻮﺗﺎ ﮨﮯ ﺟﯿﺴﮯ ﻭﮦ
ﺍﭘﻨﯽ ﺭﮒ ﺟﺎﮞ ﮐﮯ ﻟﮩﻮ ﺳﮯ ﻣﻌﺎﺷﺮﺗﯽ ﺯﻧﺪﮔﯽ ﮐﻮﻧﮑﮭﺎﺭﻧﮯ ﺍﻭﺭﺳﻨﻮﺍﺭﻧﮯ ﮐﮯ ﺁﺭﺯﻭ
ﻣﻨﺪﮨﯿﮟ ۔ﺳﺮ ﻣﻨﺰ ﻝ ﻏﻢ ﺑﮭﯽ ﻭﮦ ﻋﺰﻡ ﻭ ﺍﺳﺘﻘﻼﻝ ،ﺣﻮﺻﻠﮯ ﺍﻭﺭ ﺍﻣﯿﺪ ﮐﺎ ﺩﺍﻣﻦ
ﺗﮭﺎﻡ ﮐﺮ ﺳﻮﺋﮯ ﻣﻨﺰﻝ ﺭﻭﺍﮞ ﺩﻭﺍﮞ ﺭﮨﻨﮯ ﮐﯽ ﺗﻠﻘﯿﻦ ﮐﺮﺗﮯ ﮨﯿﮟ ۔ﺍﺩﺍﺳﯿﻮﮞ ﮐﮯ
ﮔﮭﻨﮯ ﺟﻨﮕﻠﻮﮞ ﮐﺎ ﻣﮩﯿﺐ ﺳﻨﺎﭨﺎ،ﺟﺒﺮ ﮐﯽ ﺑﮭﯿﺎﻧﮏ ﺗﺎﺭﯾﮏ ﺭﺍﺕ ﺍﻭﺭ ﺟﻨﮕﻞ ﮐﮯ
ﻗﻮﺍﻧﯿﻦ ﮐﺎ ﺟﺎﻥ ﻟﯿﻮﺍ ﺩﮐﮫ ﺑﮭﯽ ﺍﻧﮭﯿﮟ ﯾﺎﺱ ﻭ ﮨﺮﺍﺱ ﻣﯿﮟ ﻣﺒﺘﻼ ﻧﮩﯿﮞﮑﺮ ﺳﮑﺘﺎ ۔
ﺍﻧﮭﯿﮟ ﺍﭼﮭﯽ ﻃﺮﺡ ﻣﻌﻠﻮﻡ ﮨﮯ ﮐﮧ ﺟﺒﺮ ﮐﮯ ﻣﺎﺣﻮﻝ ﻣﯿﮟ ﺑﮯ ﺣﺴﯽ ﮐﺎ ﻋﻔﺮﯾﺖ
ﮨﺮ ﻃﺮﻑ ﻣﻨﮉﻻﻧﮯ ﻟﮕﺘﺎ ﮨﮯ ﺍﻭﺭ ﺍﮨﻞ ﺩﺭﺩ ﮐﻮ ﺁﮔﮩﯽ ﮐﮯ ﺻﻠﮯ ﺍﺱ ﻃﺮﺡ ﻣﻠﺘﮯ
ﮨﯿﮟ ﮐﮧ ﺟﮕﺮ ﮐﻮ ﻓﮕﺎﺭ ﮐﺮﮐﮯ ﺩﻝ ﮐﻮ ﺗﺎﺭ ﺗﺎﺭ ﮐﯿﺎ ﺟﺎﺗﺎ ﮨﮯ ۔ﻣﺴﻠﺴﻞ ﺷﮑﺴﺖ
ﺩﻝ ﮐﮯ ﺑﺎﻋﺚ ﻋﺰﺕ ﻋﺸﻖ ﺍﻭﺭ ﺍﻧﺎ ﻋﻨﻘﺎ ﮨﻮﻧﮯ ﻟﮕﮯ ﺗﻮ ﻣﻌﺎﺷﺮﺗﯽ ﺯﻧﺪﮔﯽ ﻣﯿﮟ ﺑﮯ
ﻏﯿﺮﺗﯽ ﺍﻭﺭ ﺑﮯ ﺿﻤﯿﺮﯼ ﭘﻮﺭﮮ ﻣﺎﺣﻮﻝ ﮐﻮ ﻣﺴﻤﻮﻡ ﮐﺮ ﺩﯾﺘﯽ ﮨﮯ ۔ﺍﺣﻤﺪﻓﺮﺍﺯ ﮐﻮ
ﺍﺱ ﺑﺎﺕ ﮐﺎ ﺷﺪﯾﺪ ﻗﻠﻖ ﺗﮭﺎ ﮐﮧ ﺍﺑﻦ ﺍﻟﻮﻗﺖ ،ﻣﻮﻗﻊ ﭘﺮﺳﺖ ،ﺑﮯ ﺑﺼﺮ ،ﮐﻮﺭ ﻣﻐﺰ
ﺍﻭﺭ ﮔﻮﺭ ﮐﻦ ﻗﻤﺎﺵ ﮐﮯ ﻧﻨﮓ ﺍﻧﺴﺎﻧﯿﺖ ﻟﻮ ﮒ ﺳﻨﮓ ﻣﻼﻣﺖ ﻟﯿﮯ ﺑﻠﮑﺘﯽ ﮨﻮﺋﯽ
ﺁﺑﺎﺩﯾﻮﮞ ﺍﻭﺭ ﻣﻀﻤﺤﻞ ﻣﻈﻠﻮﻣﻮﮞ ﭘﺮ ﭨﻮﭦ ﭘﮍﮮ ﮨﯿﮟ ۔ﺑﻠﮑﺘﯽ ﺍﻭﺭﺳﺴﮑﺘﯽ ﮨﻮﺋﯽ
ﺩﮐﮭﯽ ﺍﻧﺴﺎﻧﯿﺖ ﮐﺎﮐﻮﺋﯽ ﭘﺮﺳﺎﻥ ﺣﺎﻝ ﻧﮩﯿﮟ ۔ﺍﺳﺘﺤﺼﺎﻟﯽ ﻋﻨﺎﺻﺮ ﻧﮯ ﺍﭘﻨﮯ ﻣﮑﺮ
ﮐﯽ ﭼﺎﻟﻮﮞ ﺳﮯ ﻣﺠﺒﻮﺭ ﺑﮯ ﺑﺲ ﺍﻧﺴﺎﻧﻮﮞ ﮐﯽ ﺯﻧﺪﮔﯽ ﺍﺟﯿﺮﻥ ﮐﺮ ﺭﮐﮭﯽ ﮨﮯ ﺍﻭﺭ
ﻗﺴﻤﺖ ﺳﮯ ﻣﺤﺮﻭﻡ ﯾﮧ ﻃﺒﻘﮧ ﺍﺱ ﺳﻄﺢ ﭘﺮﭘﮩﻨﭻ ﭼﮑﺎ ﮨﮯ ﮐﮧ ﺍﻥ ﺯﻧﺪﮦ ﻻﺷﻮﮞ
ﮐﯽ ﺗﺪﻓﯿﻦ ﮐﯽ ﻧﻮﺑﺖ ﺁﮔﺌﯽ ﮨﮯ ۔ﻣﻌﺎﺷﺮﺗﯽ ﺯﻧﺪﮔﯽ ﮐﮯ ﺟﺎﻥ ﻟﯿﻮﺍ
ﺻﺪﻣﺎﺕ ،ﺳﺎﻧﺤﺎﺕ ﺍﻭﺭ ﺟﺒﺮ ﮐﮯ ﮐﺮﯾﮩﮧ ﺍﻧﺪﺍﺯ ﺩﯾﮑﮫ ﮐﺮ ﺍﻥ ﮐﯽ ﺭﻭﺡ ﺯﺧﻢ ﺯﺧﻢ
ﺍﻭﺭ ﺩﻝ ﮐﺮﭼﯽ ﮐﺮﭼﯽ ﮨﻮ ﮔﯿﺎﮨﮯ ۔ﻭﮦ ﺑﮯ ﺑﺲ ﻭ ﻻﭼﺎﺭ ﺍﻧﺴﺎﻧﻮﮞ ﮐﯽ
ﺗﻮﮨﯿﻦ ،ﺗﺬﻟﯿﻞ ،ﺗﻀﺤﯿﮏ ﺍﻭﺭ ﺑﮯ ﺗﻮﻗﯿﺮﯼ ﭘﺮ ﺧﻮﻥ ﮐﮯ ﺁﻧﺴﻮ ﺑﮩﺎﺗﮯ ﮨﯿﮟ ۔ﺟﺐ
ﻋﺪﻝ ﮔﺎﮨﻮﮞ ﮐﯽ ﻣﺼﻠﺤﺖ ﺍﯾﺴﺎ ﮨﻮﻟﻨﺎﮎ ﺭﻭﭖ ﺍﺧﺘﯿﺎﺭ ﮐﺮ ﻟﮯ ﮐﮧ ﺍﺱ ﭘﺮ ﻗﺎﺗﻠﻮ ﮞ
ﮐﯽ ﻭﮐﺎﻟﺖ ﮐﺎ ﮔﻤﺎﻥ ﮔﺰﺭﮮ ﺗﻮ ﺍﯾﮏ ﺣﺴﺎﺱ ﺗﺨﻠﯿﻖ ﮐﺎﺭ ﮐﺎ ﭨﻮﭦ ﮐﮯ ﺭﻭﻧﺎ ﻗﺎﺑﻞ
ﻓﮩﻢ ﮨﮯ ۔ﺍﺣﻤﺪ ﻓﺮﺍﺯ ﮐﮯ ﺷﻌﺮﯼ ﺗﺠﺮﺑﺎﺕ ﺍﻥ ﮐﮯ ﺍﭘﻨﮯ
ﺟﺬﺑﺎﺕ ،ﺍﺣﺴﺎﺳﺎﺕ ،ﻣﺸﺎﮨﺪﺍﺕ ﺍﻭﺭ ﺩﺭﻭﮞ ﺑﯿﻨﯽ ﮐﮯ ﻣﺮ ﮨﻮﻥ ﻣﻨﺖ ﮨﯿﮟ ﺍﻥ
ﺗﺠﺮﺑﺎﺕ ﮐﯽ ﻣﺘﻌﺪﺩ ﺟﮩﺎﺕ ﮨﯿﮟ ﺍﻥ ﻣﯿﮟ ﺗﻨﻮﻉ ﺍﻭﺭ ﺻﺪ ﺭﻧﮕﯽ ﮐﯽ ﮐﯿﻔﯿﺖ ﻗﺎﺭﯼ
ﭘﺮ ﻭﺟﺪﺍﻧﯽ ﮐﯿﻔﯿﺖ ﻃﺎﺭﯼ ﮐﺮ ﺩﯾﺘﯽ ﮨﮯ ۔ﺍﯾﮏ ﺣﺴﺎﺱ ،ﻣﺴﺘﻌﺪ ،ﻓﻌﺎﻝ ﺍﻭﺭ ﺯﯾﺮﮎ
ﺗﺨﻠﯿﻖ ﮐﺎﺭ ﮐﯽ ﺣﯿﺜﯿﺖ ﺳﮯ ﺍﻧﮭﻮﮞ ﻧﮯ ﺯﻧﺪﮔﯽ ﮐﯽ ﺣﻘﯿﻘﯽ ﻣﻌﻨﻮﯾﺖ ﮐﻮ ﺍﺟﺎﮔﺮ
ﮐﺮﻧﮯ ﮐﯽ ﻏﺮﺽ ﺳﮯ ﭼﺸﻢ ﮐﺸﺎ ﺻﺪﺍﻗﺘﻮﮞ ﺍﻭﺭ ﺣﯿﺮﺍﻥ ﮐﻦ ﺗﺠﺮﺑﺎﺕ ﮐﻮ ﺍﺱ
ﺧﻠﻮﺹ ﺍﻭﺭﺩﺭﺩﻣﻨﺪﯼ ﺳﮯ ﺍﺷﻌﺎﺭﮐﮯ ﻗﺎﻟﺐ ﻣﯿﮟ ﮈﮬﺎﻻ ﮨﮯ ﮐﮧ ﻗﺎﺭﯼ ﮐﮯ ﺫﮨﻦ ﭘﺮ
ﺍﺱ ﮐﮯ ﮔﮩﺮﮮ ﺍﺛﺮﺍﺕ ﻣﺮﺗﺐ ﮨﻮﺗﮯ ﮨﯿﮟ ۔

ﺍﺣﻤﺪﻓﺮﺍﺯ ﮐﮯ ﻣﺘﻨﻮﻉ ﺷﻌﺮﯼ ﺗﺠﺮﺑﺎﺕ ﮐﻮ ﻣﺤﺾ ﺍﻧﻔﺮﺍﺩﯼ ﻧﻮﻋﯿﺖ ﮐﮯ ﺣﺎﻣﻞ
ﻧﮩﯿﮟ ﺳﻤﺠﮭﻨﺎ ﭼﺎﮨﯿﮯ ﺑﻠﮑﮧ ﻣﻌﺎﺷﺮﺗﯽ ﺯﻧﺪﮔﯽ ﮐﮯ ﻧﺸﯿﺐ ﻭ ﻓﺮﺍﺯ ﺳﻤﺎﺟﯽ
ﺍﺭﺗﻌﺎﺷﺎﺕ ،ﺗﮩﺬﯾﺒﯽ ،ﺛﻘﺎﻓﺘﯽ ﺍﻭﺭ ﺗﺎﺭﯾﺨﯽ ﻋﻮﺍﻣﻞ ﺳﮯ ﺍﻥ ﮐﺎ ﮔﮩﺮﺍ ﺗﻌﻠﻖ ﮨﮯ ۔
ﺍﻥ ﺗﺠﺮﺑﺎﺕ ﺳﮯ ﺍﻧﮭﻮﮞ ﻧﮯ ﺟﻮ ﻧﺘﺎﺋﺞ ﺍﺧﺬ ﮐﯿﮯ ﮨﯿﮟ ﺍﻥ ﮐﺎ ﻭﺍﺿﺢ ﭘﺮ ﺗﻮ ﺍﻥ ﮐﮯ
ﺗﺨﻠﯿﻘﯽ ﻋﻤﻞ ﻣﯿﮟ ﺩﮐﮭﺎﺋﯽ ﺩﯾﺘﺎ ﮨﮯ ۔ﺯﻧﺪﮔﯽ ﮐﮯ ﺗﻠﺦ ﺣﻘﺎﺋﻖ ،ﺁﻻﻡ ﺭﻭﺯﮔﺎﺭ
ﮐﮯ ﻣﮩﯿﺐ ﺑﮕﻮﻟﻮﮞ ﺍﻭﺭ ﺳﯿﻞ ﺯﻣﺎﮞ ﮐﮯ ﺗﮭﭙﯿﮍﻭﮞ ﻧﮯ ﺯﻧﺪﮔﯽ ﮐﯽ ﺭﻋﻨﺎﺋﯿﻮﮞ ﮐﻮ
ﮔﮩﻨﺎ ﺩﯾﺎ ﮨﮯ ۔ﺍﺱ ﮐﯿﻔﯿﺖ ﮐﻮ ﺩﯾﮑﮫ ﮐﺮ ﺍﻥ ﮐﮯ ﺗﺨﻠﯿﻘﯽ ﻣﺤﺮﮐﺎﺕ ﮐﻮ ﺟﻮ ﺟﮩﺖ
ﻣﻠﺘﯽ ﮨﮯ ﻭﮦ ﺍﻥ ﮐﮯ ﺍﺳﻠﻮﺏ ﻣﯿﮟ ﻧﻤﺎﯾﺎﮞ ﮨﮯ ۔ﺍﻥ ﮐﮯ ﺗﺠﺮﺑﺎﺕ ﻗﺎﺭﯼ ﮐﮯ ﺫﮨﻦ
ﻣﯿﮟ ﺍﯾﮏ ﮨﻠﭽﻞ ﭘﯿﺪﺍ ﮐﺮ ﺩﯾﺘﮯ ﮨﯿﮟ ﺍﻭﺭﯾﻮﮞ ﯾﮧ ﺗﺠﺮﺑﺎﺕ ﻗﺎﺭﯼ ﮐﻮ ﺍﭘﻨﯽ ﺯﻧﺪﮔﯽ
ﮐﮯ ﻭﺍﻗﻌﺎﺕ ﺳﮯ ﮨﻢ ﺁﮨﻨﮓ ﻣﺤﺴﻮﺱ ﮨﻮﺗﮯ ﮨﯿﮟ ۔ﺍﺣﻤﺪ ﻓﺮﺍﺯ ﮐﯽ ﺷﺎﻋﺮﯼ ﻣﯿﮟ
ﻗﻠﻢ ﮐﮯ ﻧﺎﻣﻮﺱ ﭘﺮ ﺑﮭﺮ ﭘﻮﺭ ﺗﻮﺟﮧ ﺩﯼ ﮔﺌﯽ ﮨﮯ ۔ﺍﻥ ﮐﺎ ﺳﻤﺎﺟﯽ ﺷﻌﻮﺭ ﺍﺱ
ﻗﺪﺭ ﭘﺨﺘﮧ ﮨﮯ ﮐﮧ ﻭﮦ ﺗﻤﺎﻡ ﺟﺰﺋﯿﺎﺕ ﮐﻮ ﺍﭘﻨﮯ ﻓﮑﺮ ﻭ ﻓﻦ ﮐﯽ ﺍﺳﺎﺱ ﺑﻨﺎ ﮐﺮ ﺗﻤﺎﻡ
ﺣﻘﺎﺋﻖ ﮐﻮ ﺑﮍﯼ ﻣﮩﺎﺭﺕ ﮐﮯ ﺳﺎﺗﮫ ﺑﻼ ﮐﻢ ﻭ ﮐﺎﺳﺖ ﺷﻌﺮ ﮐﮯ ﻗﺎﻟﺐ ﻣﯿﮟ
ﮈﮬﺎﻟﻨﮯ ﻣﯿﮟ ﮐﻮﺋﯽ ﺗﺎﻣﻞ ﻧﮩﯿﮟ ﮐﺮﺗﮯ ۔ﺍﻇﮩﺎﺭ ﮐﯽ ﻧﺪﺭ ﺕ ﺍﻭﺭ ﺍﺛﺮ ﺁﻓﺮﯾﻨﯽ ﮐﯽ
ﻣﺴﺤﻮﺭ ﮐﻦ ﮐﯿﻔﯿﺖ ﮐﮯ ﺍﻋﺘﺒﺎﺭ ﺳﮯ ﺍﻥ ﮐﺎ ﺍﺳﻠﻮﺏ ﺍﺱ ﻗﺪﺭ ﺩﻟﮑﺶ ﮨﮯ ﮐﮧ
ﻋﺎﻟﻤﯽ ﺍﺩﺑﯿﺎﺕ ﻣﯿﮟ ﺍﺱ ﮐﯽ ﺑﮩﺖ ﮐﻢ ﻣﺜﺎﻟﯿﮟ ﻣﻠﺘﯽ ﮨﯿﮟ ۔ﻭﮦ ﺟﮩﺎﮞ ﻇﻠﻤﺖ
ﺷﺐ ﮐﻮ ﮨﺪﻑ ﺗﻨﻘﯿﺪ ﺑﻨﺎﺗﮯ ﮨﯿﮟ ﻭﮨﺎﮞ ﺧﺰﺍﮞ ﮐﮯ ﺳﯿﮑﮍﻭﮞ ﻣﻨﺎ ﻇﺮ ﮐﯽ ﻣﻮﺟﻮﺩﮔﯽ
ﮐﮯ ﺑﺎ ﻭﺟﻮﺩ ﻃﻠﻮﻉ ﺻﺒﺢ ﺑﮩﺎﺭﺍﮞ ﮐﯽ ﻧﻮﯾﺪ ﺑﮭﯽ ﺳﻨﺎﺗﮯ ﮨﯿﮟ ۔ﯾﮧ ﺍﻥ ﮐﯽ
ﺭﺟﺎﺋﯿﺖ ﮐﯽ ﺩﻟﯿﻞ ﮨﮯ ۔ﺍﻧﮭﻮﮞ ﻧﮯ ﻣﺘﺎﻉ ﻟﻮﺡ ﻭ ﻗﻠﻢ ﭼﮭﯿﻨﻨﮯ ﻭﺍﻟﻮﮞ ﮐﻮ ﻣﺘﻨﺒﮧ
ﮐﯿﺎ ﮐﮧ ﺣﺮﯾﺖ ﻓﮑﺮ ﮐﮯ ﻣﺠﺎﮨﺪ ﮨﺮﺩﻭﺭ ﻣﯿﮟ ﺧﻮﻥ ﺩﻝ ﻣﯿﮞﺎﻧﮕﻠﯿﺎﮞ ﮈﺑﻮ ﮐﺮ ﭘﺮﻭﺭﺵ
ﻟﻮﺡ ﻭ ﻗﻠﻢ ﻣﯿﮟ ﻣﺼﺮﻭﻑ ﺭﮨﮯ ﮨﯿﮟ ۔ﻭﮦ ﺍﭘﻨﮯ ﺍﺳﻠﻮﺏ ﮐﮯ ﺑﺎﺭﮮ ﻣﯿﮟ ﺍﭘﻨﮯ
ﺍﻧﺪﺍﺯ ﻓﮑﺮ ﮐﯽ ﺻﺮﺍﺣﺖ ﮐﺮﺗﮯ ﮨﻮﺋﮯ ﻟﮑﮭﺘﮯ ﮨﯿﮟ :

ﺳﻮ ﺷﺮﻁ ﯾﮧ ﮨﮯ ،ﺟﻮ ﺟﺎﮞ ﮐﯽ ﺍﻣﺎﻥ ﭼﺎﮨﺘﮯ ﮨﻮ
ﺗﻮ ﺍﭘﻨﮯ ﻟﻮﺡ ﻭ ﻗﻠﻢ ﻗﺘﻞ ﮔﺎﮦ ﻣﯿﮟ ﺭﮐﮫ ﺩﻭ
ﻭﮔﺮﻧﮧ ﺍﺏ ﮐﮯ ﻧﺸﺎﻧﮧ ﮐﻤﺎﻥ ﺩﺍﺭﻭﮞ ﮐﺎ
ﺑﺲ ﺍﯾﮏ ﺗﻢ ﮨﻮ ،ﺳﻮ ﻏﯿﺮﺕ ﮐﻮ ﺭﺍﮦ ﻣﯿﮟ ﺭﮐﮫ ﺩﻭ
ﯾﮧ ﺷﺮﻁ ﻧﺎﻣﮧ ﺟﻮ ﺩﯾﮑﮭﺎ ﺗﻮ ﺍﯾﻠﭽﯽ ﺳﮯ ﮐﮩﺎ
ﺍﺳﮯ ﺧﺒﺮ ﻧﮩﯿﮟ ﺗﺎﺭﯾﺦ ﮐﯿﺎ ﺳﮑﮭﺎﺗﯽ ﮨﮯ
ﮐﮧ ﺭﺍﺕ ﺟﺐ ﮐﺴﯽ ﺧﻮﺭﺷﯿﺪ ﮐﻮ ﺷﮩﯿﺪ ﮐﺮﮮ
ﺗﻮ ﺻﺒﺢ ﺍﮎ ﻧﯿﺎ ﺳﻮﺭﺝ ﺗﺮﺍﺵ ﻻﺗﯽ ﮨﮯ
ﺳﻮ ﯾﮧ ﺟﻮﺍﺏ ﮨﮯ ﻣﯿﺮﺍ ﻣﺮﮮ ﻋﺪﻭ ﮐﮯ ﻟﯿﮯ
ﮐﮧ ﻣﺠﮫ ﮐﻮ ﺣﺮﺹ ﺷﮑﻢ ﮨﮯ ﻧﮧ ﺧﻮﻑ ﺧﻤﯿﺎﺯﮦ
ﺍﺳﮯ ﮨﮯ ﺳﻄﻮﺕ ﺷﻤﺸﯿﺮﭘﺮ ﮔﮭﻤﻨﮉ ﺑﮩﺖ
ﺍﺳﮯ ﺷﮑﻮﮦ ﻗﻠﻢ ﮐﺎ ﻧﮩﯿﮟ ﮨﮯ ﺍﻧﺪﺍﺯﮦ
ﻣﺮﺍ ﻗﻠﻢ ﻧﮩﯿﮟ ﮐﺮﺩﺍﺭ ﺍﺱ ﻣﺤﺎﻓﻆ ﮐﺎ
ﺟﻮ ﺍﭘﻨﮯ ﺷﮩﺮ ﮐﻮ ﻣﺤﺼﻮﺭ ﮐﺮ ﮐﮯ ﻧﺎﺯ ﮐﺮﮮ

ﻗﻠﻢ ﮐﯽ ﺣﺮﻣﺖ ﮐﺎ ﯾﮧ ﻣﻌﯿﺎﺭ ﮨﺮ ﺩﻭﺭ ﻣﯿﮟ ﺍﮨﻞ ﻗﻠﻢ ﮐﻮ ﻧﺸﺎﻥ ﻣﻨﺰﻝ ﺳﮯ ﺁﮔﺎﮦ
ﮐﺮﺗﺎ ﺭﮨﮯ ﮔﺎ ۔ﭘﺎﮐﺴﺘﺎﻥ ﻣﯿﮟ 1977 ﮐﮯ ﺑﻌﺪ ﺣﺎﻻﺕ ﻧﮯ ﺟﻮ ﺭﺥ ﺍﺧﺘﯿﺎﺭﮐﯿﺎ ﺍﻥ
ﺳﮯ ﺩﻝ ﺑﺮﺩﺍﺷﺘﮧ ﮨﻮ ﮐﺮ ﺍﺣﻤﺪ ﻓﺮﺍﺯ ﻧﮯ 1980ﻣﯿﮟ ﺧﻮﺩ ﺳﺎﺧﺘﮧ ﺟﻼﻭﻃﻨﯽ
ﺍﺧﺘﯿﺎﺭ ﮐﺮﻟﯽ ﺍﻭﺭ ﺍﺱ ﻭﻗﺖ ﻭﺍﭘﺲ ﺁﺋﮯ ﺟﺐ ﺳﻠﻄﺎﻧﯽﺀﺟﻤﮩﻮﺭ ﮐﯽ ﺻﻮﺭ ﺕ ﻧﻈﺮ
ﺁﺋﯽ ﺍﻭﺭ ﻣﺤﻤﺪ ﺧﺎﻥ ﺟﻮ ﻧﯿﺠﻮ ﭘﺎﮐﺴﺘﺎﻥ ﮐﮯ ﻭﺯﯾﺮ ﺍﻋﻈﻢ ﺑﻨﮯ ۔ﻓﻮﺟﯽ ﺁﻣﺮﯾﺖ ﭘﺮ
ﺍﻧﮭﻮﮞ ﻧﮯ ﻭﺍﺿﺢ ﮐﺮ ﺩﯾﺎ ﮐﮧ ﺟﯽ ﺣﻀﻮﺭﯼ ﮐﺮﻧﺎ ﺍﻥ ﮐﮯ ﻣﺴﻠﮏ ﮐﮯ ﺧﻼﻑ
ﮨﮯ ۔ﻭﮦ ﺍﭘﻨﮯ ﺗﺨﻠﯿﻘﯽ ﮐﺎﻡ ﮐﻮ ﺍﭘﻨﮯ ﺿﻤﯿﺮ ﮐﯽ ﺁﻭﺍﺯ ﮐﮯ ﻣﻄﺎﺑﻖ ﺟﺎﺭﯼ
ﺭﮐﮭﻨﮯ ﻣﯿﮟ ﮐﺎ ﻣﯿﺎ ﺏ ﮨﻮ ﮔﺌﮯ ۔ﺍﻥ ﮐﯽ ﺷﺎﻋﺮﯼ ﻣﯿﮞﻘﻠﻢ ﮐﯽ ﻋﻈﻤﺖ ﮐﺎ ﺟﻮ
ﺫﮐﺮ ﻣﻠﺘﺎ ﮨﮯ ﻭﮦ ﺍﺫﮨﺎﻥ ﮐﯽ ﺗﻄﮩﯿﺮ ﻭ ﺗﻨﻮﯾﺮ ﮐﺎ ﻭﺳﯿﻠﮧ ﺑﻦ ﺟﺎﺗﺎﮨﮯ ۔

ﻣﺮﺍ ﻗﻠﻢ ﺗﻮ ﺍﻣﺎﻧﺖ ﮨﮯ ﻣﯿﺮﮮ ﻟﻮﮔﻮﮞ ﮐﯽ
ﻣﺮﺍ ﻗﻠﻢ ﺗﻮ ﺍﻣﺎﻧﺖ ﻣﺮﮮ ﺿﻤﯿﺮ ﮐﯽ ﮨﮯ
ﺗﻤﺎﻡ ﻋﻤﺮ ﮐﯽ ﺍﯾﺬﺍ ﻧﺼﯿﺒﯿﻮﮞ ﮐﯽ ﻗﺴﻢ
ﻣﺮﮮ ﻗﻠﻢ ﮐﺎ ﺳﻔﺮ ﺭﺍﺋﯿﮕﺎﮞ ﻧﮧ ﺟﺎﺋﮯ ﮔﺎ

ﻗﻠﻢ ﮐﮯ ﺍﺱ ﺳﻔﺮ ﻣﯿﮟ ﺍﺣﻤﺪ ﻓﺮﺍ ﺯ ﮐﻮ ﺟﺲ ﺍﺑﺘﻼ ﺍﻭﺭ ﺁﺯﻣﺎﺋﺶ ﮐﮯ ﺩﻭﺭ ﺳﮯ
ﮔﺰﺭﻧﺎ ﭘﮍﺍ ﻭﮦ ﺗﺎﯾﺦ ﺍﺩﺏ ﻣﯿﮟ ﮨﻤﯿﺸﮧ ﯾﺎﺩ ﺭﮐﮭﺎ ﺟﺎﺋﮯ ﮔﺎ ۔ﺍﺣﻤﺪ ﻓﺮﺍﺯ ﮐﯽ
ﺷﺎﻋﺮﯼ ﻣﯿﮞﺠﺒﺮ ﮐﮯ ﻣﺎﺣﻮﻝ ﮐﯽ ﺻﺤﯿﺢ ﻋﮑﺎﺳﯽ ﮐﯽ ﮔﺌﯽ ﮨﮯ ۔ﻓﺴﻄﺎﺋﯽ ﺟﺒﺮ
ﻧﮯ ﺧﻠﻮﺹ ﺍﻭﺭ ﺍﯾﺜﺎﺭ ﮐﻮ ﺑﺎﺭﮦ ﭘﺘﮭﺮ ﮐﺮﺩﯾﺎﮨﮯ ۔ﻣﻌﺎﺷﺮﮮ ﮐﯽ ﺳﻔﺎﮐﯽ ﺍﻭﺭ ﺑﮯ
ﺣﺴﯽ ﮐﺎ ﯾﮧ ﺣﺎﻝ ﮨﮯ ﮐﮧ ﺍﺟﺴﺎﻡ ﺷﻞ ﮨﯿﮟ ،ﺍﺣﺴﺎﺱ ﺍﻭﺭ ﺿﻤﯿﺮ ﻧﯿﻢ ﺟﺎﮞ
ﮨﯿﮟ ۔ﺩﮐﮭﯽ ﺍﻧﺴﺎﻧﯿﺖ ﮐﮯ ﻣﺼﺎﺋﺐ ﭘﺮ ﮐﻮﺋﯽ ﺁﻧﮑﮫ ﭘﺮ ﻧﻢ ﻧﮩﯿﮟ ﺍﻭﺭ ﮐﺴﯽ
ﻧﻮﺣﮧ ﮔﺮ ﮐﯽ ﺻﺪﺍ ﺳﻨﺎﺋﯽ ﻧﮩﯿﮟ ﺩﯾﺘﯽ ۔ﻣﻈﻠﻮﻡ ﺍﻧﺴﺎﻧﯿﺖ ﮐﺎ ﺑﮯ ﮔﻮﺭ ﻭ ﮐﻔﻦ ﺑﮯ
ﺍﻣﺎﮞ ﻻﺷﮧ ﺍﯾﮏ ﺍﯾﺴﮯ ﺳﺎﺋﯿﮟ ﺳﺎﺋﯿﮟ ﮐﺮﺗﮯ ﺟﻨﮕﻞ ﻣﯿﮟ ﭘﮍﺍ ﮨﮯ ﺟﮩﺎﮞ ﺟﻨﮕﻞ
ﮐﺎ ﻗﺎﻧﻮﻥ ﭘﻮﺭﯼ ﻗﻮﺕ ﺳﮯ ﻧﺎﻓﺬ ﮨﮯ ۔ﺍﺱ ﻋﻔﻮﻧﺖ ﺯﺩﮦ ﻣﺎﺣﻮﻝ ﻣﯿﮟ ﺍﻥ ﻻﺷﻮﮞ ﮐﯽ
ﺑﮯ ﺣﺮﻣﺘﯽ ﮐﺎ ﺳﻠﺴﻠﮧ ﺟﺎﺭﯼ ﮨﮯ ﺍﻭﺭﺍﻧﮭﯿﮟ ﺭﺯﻕ ﮐﺮﮔﺴﺎﮞ ﺑﻨﺎ ﺩﯾﺎ ﮔﯿﺎ ﮨﮯ ۔ﺍﻥ
ﻣﻘﺘﻮﻟﻮﮞ ﮐﮯ ﻣﺠﺒﻮﺭ ﻭﺍﺭﺙ ﺣﺴﺮﺕ ﻭ ﯾﺎﺱ ﮐﮯ ﻋﺎﻟﻢ ﻣﯿﮟ ﯾﮧ ﺳﺐ ﮐﭽﮫ ﺩﯾﮑﮫ
ﺭﮨﮯ ﮨﯿﮟ۔ﺍﺣﻤﺪ ﻓﺮﺍﺯ ﮐﯽ ﺷﺎﻋﺮﯼ ﮐﮯ ﻣﺘﻨﻮﻉ ﭘﮩﻠﻮ ﺍﻭﺭ ﺩﮬﻨﮏ ﺭﻧﮓ ﻣﻨﺎﻇﺮ ﻗﺎﺭﯼ
ﮐﻮ ﻭﺭﻃﮧﺀﺣﯿﺮ ﺕ ﻣﯿﮟ ﮈﺍﻝ ﺩﯾﺘﮯ ﮨﯿﮟ ۔ﻭﮦ ﺟﺲ ﺍﻧﺪﺍﺯ ﮐﻮ ﺍﭘﻨﺎﺋﯿﮟ ﻭﮨﯽ ﺍﻥ ﮐﯽ
ﭘﮩﭽﺎﻥ ﺑﻦ ﺟﺎﺗﺎ ﮨﮯ ﺍﻥ ﮐﯽ ﺷﺎﻋﺮﯼ ﻣﯿﮞﺎﺣﺘﺠﺎﺝ ،ﺭﻭﻣﺎﻥ ،ﻋﻤﻠﯿﺖ
ﭘﺴﻨﺪﯼ ،ﺳﯿﺎﺳﺖ ،ﺍﻧﻘﻼﺏ ،ﺣﺮﯾﺖ ﻓﮑﺮ،ﺣﺒﺲ ﮐﮯ ﻣﺎﺣﻮﻝ ﺍﻭﺭ ﻋﺎﻟﻤﯽ ﺍﺩﺑﯿﺎﺕ
ﮐﯽ ﺟﻮ ﺑﺎﺯ ﮔﺸﺖ ﺳﻨﺎﺋﯽ ﺩﯾﺘﯽ ﮨﮯ ﻭﮦ ﺍﻧﮭﯿﮟ ﺍﭘﻨﮯ ﻋﮩﺪ ﮐﮯ ﺍﯾﮏ ﻣﻤﺘﺎﺯ
ﺍﻭﺭﻣﻨﻔﺮﺩ ﺍﺳﻠﻮﺏ ﮐﮯ ﺣﺎﻣﻞ ﺗﺨﻠﯿﻖ ﮐﺎﺭ ﮐﮯ ﻣﻨﺼﺐ ﭘﺮﻓﺎﺋﺰ ﮐﺮﺗﯽ ﮨﮯ ۔ﺍﭘﻨﯽ
ﺯﻧﺪﮔﯽ ﻣﯿﮞﺎﻧﮭﯿﮟ ﺟﻮ ﻣﺤﺒﺘﯿﮟ ﺍﻭﺭ ﭘﺬﯾﺮﺍﺋﯿﺎﮞ ﻣﻠﯿﮟ ﻭﮦ ﺍﭘﻨﯽ ﻣﺜﺎﻝ ﺁﭖ ﮨﯿﮟ۔
ﺍﻧﮭﯿﮟ ﺧﻮﺩ ﺑﮭﯽ ﺍﺱ ﺑﺎﺕ ﮐﺎ ﺍﺣﺴﺎﺱ ﺗﮭﺎ ﮐﮧ ﺍﺩﺏ ﮐﮯ ﺳﻨﺠﯿﺪﮦ ﻗﺎﺭﺋﯿﻦ ﺍﻥ
ﮐﯽ ﺷﺎﻋﺮﯼ ﮐﮯ ﺩﻟﺪﺍﺩﮦ ﮨﯿﮟ ﺍﻭﺭ ﺍﻥ ﮐﺎ ﻧﺎﻡ ﻋﺰﺕ ﻭ ﺍﺣﺘﺮﺍﻡ ﺳﮯ ﻟﯿﺎ ﺟﺎﺗﺎﮨﮯ ۔
ﻗﺎﺭﺋﯿﻦ ﮐﯽ ﺑﮯ ﻟﻮﺙ ﻣﺤﺒﺖ ﮐﮯ ﻭﮦ ﻣﻌﺘﺮﻑ ﺗﮭﮯ ﺍﺱ ﻟﯿﮯ ﺍﻧﮭﻮﮞ ﻧﮯ ﻟﮑﮭﺎ
ﮨﮯ :

ﺍﻭﺭ ﻓﺮﺍﺯ ﭼﺎﮨﯿﯿﮟ ﮐﺘﻨﯽ ﻣﺤﺒﺘﯿﮟ ﺗﺠﮭﮯ
ﻣﺎﺅﮞ ﻧﮯ ﺗﯿﺮﮮ ﻧﺎﻡ ﭘﺮ ﺑﭽﻮﮞ ﮐﺎ ﻧﺎﻡ ﺭﮐﮫ ﺩﯾﺎ

ﺍﺱ ﻣﻘﺒﻮﻟﯿﺖ ﮐﺎ ﺳﺒﺐ ﯾﮧ ﺗﮭﺎ ﮐﮧ ﺍﻧﮭﻮﮞ ﻧﮯ ﻣﻈﻠﻮﻡ ﻃﺒﻘﮯ ﺳﮯ ﺟﻮ ﻋﮩﺪ ﻭﻓﺎ
ﺍﺳﺘﻮﺍﺭ ﮐﯿﺎ ﺍﺳﮯ ﻋﻼﺝ ﮔﺮﺩ ﺵ ﻟﯿﻞ ﻭ ﻧﮩﺎﺭ ﺳﻤﺠﮭﺘﮯ ﮨﻮﺋﮯ ﺗﻤﺎﻡ ﻋﻤﺮ ﺍﺱ ﭘﺮ
ﮐﺎ ﺑﻨﺪ ﺭﮨﮯ ۔ 3ﻧﻮﻣﺒﺮ 2007 ﮐﻮ ﺟﺐ ﭘﺎﮐﺴﺘﺎﻥ ﮐﮯ ﻣﻄﻠﻖ ﺍﻟﻌﻨﺎ ﻥ ﺁﻣﺮﺟﻨﺮﻝ
ﭘﺮﻭﯾﺰ ﻣﺸﺮﻑ ﻧﮯ ﭘﺎﮐﺴﺘﺎﻥ ﮐﯽ ﻋﺪﺍﻟﺖ ﻋﻈﻤﯽٰ ﭘﺮ ﺩﮬﺎﻭﺍ ﺑﻮﻻ ﺍﻭﺭ ﻣﻨﺼﻔﯿﻦ ﮐﻮ
ﻗﯿﺪ ﮐﺮﻟﯿﺎ ﺗﻮ ﺍﺣﻤﺪ ﻓﺮﺍﺯ ﻧﮯ ﺍﺱ ﮐﮯ ﺧﻼﻑ ﺷﺪﯾﺪ ﺭﺩ ﻋﻤﻞ ﮐﺎ ﺍﻇﮩﺎﺭ ﮐﯿﺎ ۔
ﺍﭘﻨﯽ ﮔﺮﺗﯽ ﮨﻮﺋﯽ ﺻﺤﺖ ﮐﮯ ﺑﺎﻭﺟﻮﺩ ﺍﺣﻤﺪ ﻓﺮﺍﺯ ﻧﮯ ﺍﭘﻨﮯ ﺩﺑﻨﮓ ﻟﮩﺠﮯ ﺳﮯ ﻋﻮﺍﻡ
ﻣﯿﮟ ﻣﺜﺒﺖ ﺷﻌﻮﺭﻭ ﺁﮔﮩﯽ ﭘﯿﺪﺍ ﮐﺮﻧﮯ ﮐﯽ ﺑﮭﺮ ﭘﻮﺭ ﮐﻮﺷﺶ ﮐﯽ ۔ﺍﻥ ﮐﯽ
ﺷﺎﻋﺮﯼ ﻣﯿﮟ ﻣﻄﻠﻖ ﺍﻟﻌﻨﺎﻥ ﺁﻣﺮ ﮐﮯ ﻟﯿﮯ ﺍﯾﮏ ﻭﺍﺿﺢ ﭘﯿﻐﺎﻡ ﮨﮯ ﺟﻮ ﺣﻘﺎﺋﻖ ﮐﺎ
ﺁﺋﯿﻨﮧ ﺍﺭ ﮨﮯ ۔ﺍﺣﻤﺪ ﻓﺮﺍﺯ ﻧﮯ ﻋﺎﻟﻤﯽ ﻃﺎﻗﺘﻮﮞ ﮐﯽ ﺭﯾﺸﮧ ﺩﻭﺍﻧﯿﻮﮞ ﺍﻭﺭ ﺗﻮﺳﯿﻊ
ﭘﺴﻨﺪﺍﻧﮧ ﻋﺰﺍﺋﻢ ﺳﮯ ﺧﺒﺮﺩﺍﺭ ﮐﺮﺗﮯ ﮨﻮﺋﮯ ﺑﺮ ﻣﻼﮐﮩﺎ :

ﮐﺲ ﮐﺎ ﮔﻤﺎﺷﺘﮧ ﮨﮯ ﺍﻣﯿﺮ ﺳﭙﺎﮦ ﺷﮩﺮ
ﮐﻦ ﻣﻌﺮﮐﻮﮞ ﻣﯿﮟ ﮨﮯ ﺻﻒ ﺩﺷﻤﻦ ﻟﮕﯽ ﮨﻮﺋﯽ
ﺑﺮﺑﺎﺩ ﮐﺮ ﮐﮯ ﺑﺼﺮﮦ ﻭ ﺑﻐﺪﺍﺩ ﮐﺎ ﺟﻤﺎﻝ
ﺍ ﺏ ﭼﺸﻢ ﺑﺪ ﮨﮯ ﺟﺎﻧﺐ ﺧﯿﺒﺮ ﻟﮕﯽ ﮨﻮﺋﯽ
ﻣﺮﮮ ﺿﻤﯿﺮ ﻧﮯ ﻗﺎﺑﯿﻞ ﮐﻮ ﻧﮩﯿﮟ ﺑﺨﺸﺎ
ﻣﯿﮟ ﮐﯿﺴﮯ ﺻﻠﺢ ﮐﺮﻭﮞ ﻗﺘﻞ ﮐﺮﻧﮯ ﻭﺍﻟﻮﮞ ﺳﮯ
ﭘﯿﺸﮧ ﻭﺭ ﮔﻮﺍﮨﻮﮞ ﮐﯽ ﺍﻭﺭ ﺑﮭﯽ ﻣﺜﺎﻟﯿﮟ ﺗﮭﯿﮟ
ﻣﺠﮫ ﮐﻮ ﻗﺘﻞ ﮐﺮﻧﮯ ﻣﯿﮟ ﻣﻨﺼﻔﻮﮞ ﮐﯽ ﭼﺎﻟﯿﮟ ﺗﮭﯿﮟ

ﺍﺣﻤﺪ ﻓﺮﺍﺯ ﮐﯽ ﻣﺘﻌﺪﺩ ﻧﻈﻤﯿﮟ ﺍﯾﺴﯽ ﮨﯿﮟ ﺟﻮ ﻋﺎﻟﻤﯽ ﺍﺩﺑﯿﺎﺕ ﻣﯿﮟ ﺍﮨﻢ ﻣﻘﺎﻡ
ﺭﮐﮭﺘﯽ ﮨﯿﮟ ۔ﺩﻧﯿﺎﺑﮭﺮ ﮐﮯ ﺣﺮﯾﺖ ﭘﺴﻨﺪ ﺍﻧﻘﻼﺑﯽ ﮨﻤﯿﺸﮧ ﺍﻥ ﺳﮯ ﺍﯾﮏ ﻭﻟﻮﻟﮧ
ﺀﺗﺎﺯﮦ ﺣﺎﺻﻞ ﮐﺮﺗﮯ ﺭﮨﯿﮟ ﮔﮯ ۔ﺩﻟﻮﮞ ﮐﯽ ﺩﮬﮍﮐﻨﻮﮞ ﺳﮯ ﮨﻢ ﺁﮨﻨﮓ ﮨﻮ ﺟﺎﻧﮯ ﻭﺍﻟﯽ
ﺍﻥ ﻧﻈﻤﻮ ﮞﻤﯿﮟ ﻣﺤﺎﺻﺮﮦ ،ﺷﮩﺮ ﺁﺷﻮﺏ،ﻣﺖ ﺳﻮﭼﻮ،ﺟﻼﺩ ،ﭼﻠﻮ ﺍﺱ ﺷﮩﺮ ﮐﺎ
ﻣﺎﺗﻢ ﮐﺮﯾﮟ ﺍﻭﺭ ﺍﮮ ﻣﯿﺮﮮ ﺳﺎﺭﮮ ﻟﻮﮔﻮﺷﺎﻣﻞ ﮨﯿﮟ ۔ﺁﻣﺮﯾﺖ ﮐﮯ ﺑﺪ ﺗﺮﯾﻦ ﺩﻭﺭ
ﻣﯿﮞﺒﮭﯽ ﺍﺣﻤﺪ ﻓﺮﺍﺯﻧﮯ ﻣﺎﯾﻮﺳﯽ ﺍﻭﺭ ﺍﺿﻤﺤﻼﻝ ﺳﮯ ﺩﺍﻣﻦ ﺑﭽﺎﺋﮯ ﺭﮐﮭﺎ ۔ﺍﻥ ﮐﺎ
ﭘﯿﻐﺎﻡ ﺧﻠﻮﺹ ﺍﻭﺭ ﺩﺭﺩ ﻣﻨﺪﯼ ﭘﺮ ﻣﺒﻨﯽ ﺗﮭﺎ ﻭﮦ ﻣﺤﺒﺖ ﮐﮯ ﺑﮯ ﻟﻮ ﺙ ﺟﺬﺑﺎﺕ ﮐﮯ
ﺍﻋﺠﺎﺯ ﺳﮯ ﺩﻟﻮﮞ ﮐﻮ ﻣﺴﺨﺮ ﮐﺮﻧﮯ ﮐﺎ ﺳﻠﯿﻘﮧ ﺟﺎﻧﺘﮯ ﺗﮭﮯ ۔ﻭﮦ ﻣﺮﮨﻢ ﺑﮧ ﺩﺳﺖ ﺁ
ﮐﺮ ﺩﮐﮭﯽ ﺍﻧﺴﺎﻧﯿﺖ ﮐﮯ ﻣﺼﺎﺋﺐ ﻭ ﺁﻻﻡ ﭘﺮ ﺍﻥ ﮐﯽ ﮈﮬﺎﺭﺱ ﺑﻨﺪﮬﺎﺗﮯ ۔ﺍﻥ ﮐﯽ
ﺷﺎﻋﺮﯼ ﻣﯿﮟ ﺣﺴﻦ ﻭ ﺭﻭﻣﺎﻥ ﭘﺮ ﻣﺒﻨﯽ ﺧﯿﺎﻻﺕ ﮐﯽ ﺩﻝ ﮐﺸﯽ ﻗﺎﺭﯼ ﮐﻮ ﻏﻢ
ﺟﮩﺎﮞﮑﯽ ﺗﻠﺨﯿﻮﮞ ﺳﮯ ﺩﻭﺭ ﻟﮯ ﺟﺎﺗﯽ ﮨﮯ ۔ﻭﮦ ﮐﺸﺘﯽﺀﺯﯾﺴﺖ ﮐﻮ ﺳﯿﻞ ﺯﻣﺎﮞ ﮐﮯ
ﺗﻼﻃﻢ ﺳﮯ ﺑﭽﺎﻧﮯ ﮐﮯ ﺁﺭﺯﻭﻣﻨﺪ ﮨﯿﮟ ﺟﮩﺎﮞ ﻣﻮﺝ ﺩﺭ ﻣﻮﺝ ﺣﻠﻘﮧ ﺀﺻﺪﮐﺎﻡ ﻧﮩﻨﮓ
ﻗﻄﺮﮮ ﮐﮯ ﮔﮩﺮ ﮨﻮﻧﮯ ﮐﯽ ﺭﺍﮦ ﻣﯿﮟ ﺑﮩﺖ ﺑﮍﯼ ﺭﮐﺎﻭﭦ ﺛﺎﺑﺖ ﮨﻮﺗﺎ ﮨﮯ ۔ﻭﮦ
ﻣﺤﺒﺖ ﮐﺎ ﻋﻠﻢ ﻟﮩﺮﺍﺗﮯ ﮨﻮﺋﮯ ﻧﻔﺮﺗﻮﮞ ،ﻋﺪﺍﻭﺗﻮﮞ ﺍﻭﺭ ﺍﺳﺘﺒﺪﺍﺩ ﮐﯽ ﻋﻤﺎﺭﺗﻮﮞ ﮐﻮ
ﻣﺴﻤﺎﺭﮐﺮﻧﮯ ﮐﯽ ﺳﻌﯽ ﮐﺮﺗﮯ ﮨﯿﮟ ۔ﺍﻟﻔﺖ ﮐﺎ ﺳﺮﺍﻍ ﭘﺎﻧﮯ ﻭﺍﻟﻮﮞ ﮐﮯ ﻟﯿﮯ ﺍﻥ
ﮐﯽ ﺭﻭﻣﺎﻧﯽ ﺷﺎﻋﺮﯼ ﺳﮑﻮﻥ ﻗﻠﺐ ﮐﯽ ﻧﻮﯾﺪ ﻻﺗﯽ ﮨﮯ ۔ﻭﮦ ﺍﭘﻨﯽ ﺗﺴﺒﯿﺢ ﺭﻭﺯﻭ
ﺷﺐ ﮐﮯ ﺩﺍﻧﮯ ﺩﺍﻧﮯ ﺳﮯ ﻣﺤﺒﺖ ،ﺧﻠﻮﺹ ،ﺍﯾﺜﺎﺭ ﺍﻭﺭ ﻭﻓﺎ ﮐﺎ ﻭﺭﺩ ﮐﺮﺗﮯ ﮨﯿﮟ ۔
ﮐﺸﻤﮑﺶ ﺭﻭﺯﮔﺎﺭ ﻣﯿﮟ ﻣﺤﺒﺖ ﮨﯽ ﺍﻥ ﮐﮯ ﻟﯿﮯ ﺧﻀﺮ ﺭﺍﮦ ﮨﮯ ۔ﻭﮦ ﻣﺤﺒﺖ ﮐﮯ
ﻻ ﺯﻭﺍﻝ ﺟﺬﺑﺎﺕ ﮐﮯ ﺫﺭﯾﻌﮯ ﻟﻔﻆ ﮐﻮ ﭘﮭﻮﻝ ﺑﻨﺎﻧﮯ ﮐﺎ ﮐﺮﺷﻤﮧ ﺩﮐﮭﺎ ﮐﺮ ﻗﺎﺭﯼ ﭘﺮ
ﻭﺟﺪﺍﻧﯽ ﮐﯿﻔﯿﺖ ﻃﺎﺭﯼ ﮐﺮ ﺩﯾﺘﮯ ﮨﯿﮟ :

ﺍﮔﺮ ﮐﺴﯽ ﺳﮯ ﻣﺮﺍﺳﻢ ﺑﮍﮬﺎﻧﮯ ﻟﮕﺘﮯ ﮨﯿﮟ
ﺗﺮﮮ ﻓﺮﺍﻕ ﮐﮯ ﺩﮐﮫ ﯾﺎﺩ ﺁﻧﮯ ﻟﮕﺘﮯ ﮨﯿﮟ
ﭘﻠﮏ ﺟﮭﭙﮑﺘﮯ ﮨﯽ ﺩﻧﯿﺎﺍﺟﺎﮌ ﺩﯾﺘﯽ ﮨﮯ
ﻭﮦ ﺑﺴﺘﯿﺎﮞ ﺟﻨﮭﯿﮟ ﺑﺴﺘﮯ ﺯﻣﺎﻧﮯ ﻟﮕﺘﮯ ﮨﯿﮟ
ﻓﺮﺍﺯ ﻣﻠﺘﮯ ﮨﯿﮟ ﻏﻢ ﺑﮭﯽ ﻧﺼﯿﺐ ﻭﺍﻟﻮﮞ ﮐﻮ
ﮨﺮ ﺍﮎ ﮐﮯ ﮨﺎﺗﮫ ﮐﮩﺎ ﮞﯿﮧ ﺧﺰﺍﻧﮯ ﻟﮕﺘﮯ ﮨﯿﮟ

ﮨﺠﺮ ﺍﻭﺭﻓﺮﺍﻕ ﮐﮯ ﮐﺮﺏ ﮐﻮ ﺍﻧﮭﻮﮞ ﻧﮯ ﺟﺲ ﻃﺮﺡ ﻣﺤﺴﻮﺱ ﮐﯿﺎ ﺍﺱ ﮐﺎ ﺍﻇﮩﺎﺭ
ﻭﮦ ﻧﮩﺎﯾﺖ ﺩﻝ ﻧﺸﯿﮟ ﺍﻧﺪﺍﺯ ﻣﯿﮟ ﮐﺮﺗﮯ ﮨﯿﮟ ۔ﻭﮦ ﺭﻧﺠﺶ ﮐﮯ ﺑﺎﻭﺟﻮﺩ ﻣﺤﺒﻮﺏ ﮐﮯ
ﺍﻧﺘﻈﺎﺭ ﻣﯿﮞﺮﮨﺘﮯ ﮨﯿﮟ ﮐﮧ ﺍﺳﯽ ﮐﺎ ﻧﺎﻡ ﺗﻮ ﺗﻌﻠﻖ ﮨﮯ ﺧﻮﺍﮦ ﻭﮦ ﻟﮕﺎﺅ ﮐﯽ ﺻﻮﺭ ﺕ
ﻣﯿﮟ ﮨﻮ ﯾﺎ ﺍﺱ ﮐﯽ ﻧﻮﻋﯿﺖ ﻻﮒ ﮐﯽ ﮨﻮ ۔ﻭﮦ ﺩﻝ ﺩﮐﮭﺎﻧﮯ ﻭﺍﻟﻮﮞ ﮐﻮ ﺑﮭﯽ ﯾﺎﺩ
ﺭﮐﮭﺘﮯ ﮨﯿﮟ۔

ﺗﯿﺮﯼ ﺑﺎﺗﯿﮟ ﮨﯽ ﺳﻨﺎﻧﮯ ﺁﺋﮯ
ﺩﻭﺳﺖ ﺑﮭﯽ ﺩﻝ ﮨﯽ ﺩﮐﮭﺎﻧﮯ ﺁﺋﮯ
ﭘﮭﻮﻝ ﮐﮭﻠﺘﮯ ﮨﯿﮟ ﺗﻮ ﮨﻢ ﺳﻮﭼﺘﮯ ﮨﯿﮟ
ﺗﯿﺮﮮ ﺁﻧﮯ ﮐﮯ ﺯﻣﺎﻧﮯ ﺁﺋﮯ
ﻭﮦ ﻗﻮﻝ ﻭﮦ ﺳﺐ ﻗﺮﺍﺭ ﭨﻮﭨﮯ
ﺩﻝ ﺟﻦ ﺳﮯ ﻣﺂﻝ ﮐﺎﺭ ﭨﻮﭨﮯ
ﻭﮦ ﭘﭽﮭﻼ ﭘﮩﺮ ﺷﺐ ﺍﻟﻢ ﮐﺎ
ﺁﻧﺴﻮ ﺑﮭﯽ ﺳﺘﺎﺭﮦ ﻭﺍﺭﭨﻮﭨﮯ
ﺍﺏ ﺗﮏ ﺗﺮﮮ ﻓﺘﻨﮯ ﮨﯿﮟ ﺳﻼﻣﺖ ﺍﺳﮯ ﮐﮩﻨﺎ
ﯾﺎﺭ ﻭﺳﺮ ﻣﺤﺸﺮ ﺑﮭﯽ ﻗﯿﺎﻣﺖ ﺍﺳﮯ ﮐﮩﻨﺎ
ﺍﮮ ﺩﻝ ﺯﺩﮔﺎﮞ ،ﻣﻮﺕ ﮨﮯ ﺍﻇﮩﺎﺭ ﺗﻤﻨﺎ
ﻭﮦ ﺑﺖ ﮨﻮ ﺧﺪﺍ ﺑﮭﯽ ﺗﻮ ﺧﺪﺍ ﻣﺖ ﺍﺳﮯ ﮐﮩﻨﺎ

ﺍﺣﻤﺪﻓﺮﺍﺯ ﮐﯽ ﺷﺎﻋﺮﯼ ﻣﯿﮟ ﺯﻧﺪﮔﯽ ﮐﮯ ﺗﻤﺎﻡ ﻣﻮﺳﻢ ﺳﻤﭧ ﺁﺋﮯ ﮨﯿﮟ ۔ﺍﻥ ﮐﺎ
ﺍﺳﺘﺪﻻﻝ ﯾﮧ ﮨﮯ ﮐﮧ ﺍﺟﮍﮮ ﮨﻮﺋﮯ ﻟﻮﮔﻮﮞ ﺳﮯ ﮔﺮﯾﺰﺍﮞ ﮨﻮﻧﺎﺳﻨﮓ ﺩﻟﯽ ﮐﺎ ﺛﺒﻮﺕ
ﮨﮯ ۔ﺍﻧﮭﯿﮟ ﯾﻘﯿﻦ ﮨﮯ ﮐﮧ ﺍﺟﮍﮮ ﮨﻮﺋﮯ ﻟﻮﮔﻮﮞ ﻣﯿﮟ ﻭﻓﺎ ﮐﮯ ﻣﻮﺗﯽ ﻣﻞ ﺳﮑﺘﮯ
ﮨﯿﮟ۔ﺯﻧﺪﮔﯽ ﮐﮯ ﺣﺎﻻﺕ ﻧﮯ ﺍﻥ ﭘﺮ ﺟﻮ ﺍﺛﺮﺍﺕ ﻣﺮﺗﺐ ﮐﯿﮯ ﻭﮦ ﺍﻥ ﮐﯽ ﺷﺎﻋﺮﯼ
ﻣﯿﮟ ﻧﻤﺎﯾﺎﮞ ﮨﯿﮟ :

ﺳﻠﻮﭨﯿﮟ ﮨﯿﮟ ﻣﯿﺮﮮ ﭼﮩﺮﮮ ﭘﮧ ﺗﻮ ﺣﯿﺮﺕ ﮐﯿﺴﯽ
ﺯﻧﺪﮔﯽ ﻧﮯ ﻣﺠﮭﮯ ﮐﭽﮫ ﺗﻢ ﺳﮯ ﺯﯾﺎﺩﮦ ﭘﮩﻨﺎ
ﮨﻢ ﮐﺞ ﺍﺩﺍ ﭼﺮﺍﻍ ﺗﮭﮯ ﺟﺐ ﺑﮭﯽ ﮨﻮﺍ ﭼﻠﯽ
ﻃﺎﻗﻮﮞ ﮐﻮ ﭼﮭﻮﮌﮐﺮ ﺳﺮﺩﯾﻮﺍﺭ ﺁﮔﺌﮯ
ﮐﮩﺎ ﺗﮭﺎ ﮐﺲ ﻧﮯ ﺗﺠﮭﮯ ﺁﺑﺮﻭ ﮔﻨﻮﺍﻧﮯ ﺟﺎ
ﻓﺮﺍ ﺯﺍﻭﺭ ﺍﺳﮯ ﺣﺎﻝ ﺩﻝ ﺳﻨﺎﻧﮯ ﺟﺎ
ﯾﮧ ﮐﯿﺎ ﮐﮧ ﺳﺐ ﺳﮯ ﺑﯿﺎﮞ ﺩﻝ ﮐﯽ ﺣﺎﻟﺘﯿﮟ ﮐﺮﻧﯽ
ﻓﺮﺍﺯ ﺗﺠﮫ ﮐﻮ ﻧﮧ ﺁﺋﯿﮟ ﻣﺤﺒﺘﯿﮟ ﮐﺮﻧﯽ
ﻣﻠﮯ ﺟﺐ ﺍﻥ ﺳﮯ ﺗﻮ ﻣﺒﮩﻢ ﺳﯽ ﮔﻔﺘﮕﻮ ﮐﺮﻧﯽ
ﭘﮭﺮ ﺍﭘﻨﮯ ﺁﭖ ﺳﮯ ﺳﻮ ﺳﻮ ﻭﺿﺎﺣﺘﯿﮟ ﮐﺮﻧﯽ
ﺍ ﺱ ﮐﯽ ﺁﻧﮑﮭﻮ ﮞﮑﻮ ﮐﺒﮭﯽ ﻏﻮﺭ ﺳﮯ ﺩﯾﮑﮭﺎ ﮨﮯ ﻓﺮﺍﺯ
ﺭﻭ ﻧﮯ ﻭﺍﻟﻮﮞ ﮐﯽ ﻃﺮﺡ ﺟﺎﮔﻨﮯ ﻭﺍﻟﻮﮞ ﺟﯿﺴﯽ

ﺯﻧﺪﮔﯽ ﮐﮯ ﺟﻤﻠﮧ ﻧﺸﯿﺐ ﻭ ﻓﺮﺍﺯ ﺍﺣﻤﺪ ﻓﺮﺍﺯ ﮐﯽ ﺷﺎﻋﺮﯼ ﻣﯿﮟ ﭘﻮﺭﯼ ﻗﻮﺕ ﺍﻭﺭ
ﺣﻘﯿﻘﺖ ﮐﮯ ﺳﺎﺗﮫ ﺟﻠﻮﮦ ﮔﺮ ﮨﯿﮟ۔ﺍﻥ ﮐﯽ ﺗﻨﻘﯿﺪﯼ ﺣﻘﯿﻘﺖ ﻧﮕﺎﺭﯼ ﺍﻭﺭ ﻭﺍﻗﻌﯿﺖ
ﺍﻥ ﮐﮯ ﺍﺳﻠﻮﺏ ﮐﺎ ﺍﮨﻢ ﻭﺻﻒ ﮨﮯ ۔ﺍﻥ ﮐﺎ ﮨﻤﮧ ﮔﯿﺮ ﻣﺸﺎﮨﺪﮦ ﺍﻭﺭ ﻭﺳﯿﻊ ﺗﺠﺮﺑﺎﺕ
ﺍﻧﮭﯿﮟ ﻋﺎﻟﻤﯽ ﺍﺩﺑﯿﺎﺕ ﻣﯿﮟ ﻣﻤﺘﺎﺯ ﻣﻘﺎﻡ ﻋﻄﺎ ﮐﺮﺗﮯ ﮨﯿﮟ۔ﺍﻧﺴﺎﻧﯽ ﮨﻤﺪﺭﺩﯼ ﮐﺎ
ﺟﻮ ﺍﺭﻓﻊ ﻣﻌﯿﺎﺭ ﺍﻥ ﮐﯽ ﺷﺎﻋﺮﯼ ﻣﯿﮟ ﻣﻮﺟﻮﺩ ﮨﮯ ﻭﮦ ﺍﻧﮭﯿﮟ ﺍﭘﻨﮯ ﻋﮩﺪ ﮐﮯ ﻣﻨﻔﺮﺩ
ﺷﺎﻋﺮ ﮐﮯ ﻣﻨﺼﺐ ﭘﺮ ﻓﺎﺋﺰ ﮐﺮﺗﺎ ﮨﮯ ۔ﺍﻧﮭﻮﮞ ﻧﮯ ﺗﺎﺭﯾﺦ ﮐﮯ ﻣﺴﻠﺴﻞ ﻋﻤﻞ ﭘﺮ
ﺍﭘﻨﯽ ﺗﻮﺟﮧ ﻣﺮﮐﻮﺯ ﺭﮐﮭﯽ ﺍﻭﺭ ﻋﺎﻟﻤﯽ ﺣﺎﻻﺕ ﮐﮯ ﺗﻨﺎﻇﺮ ﻣﯿﮟ ﻭﺍﻗﻌﺎﺕ ﮐﻮ ﭘﻮﺭﯼ
ﺩﯾﺎﻧﺖ ﺳﮯ ﺑﯿﺎ ﻥ ﮐﯿﺎ ۔ﺍﻥ ﮐﮯ ﺍﺳﻠﻮﺏ ﻣﯿﮟ ﺩﺑﻨﮓ ﻟﮩﺠﮧ ﺍﻭﺭ ﺷﻌﺮﯼ ﺁﮨﻨﮓ ﻗﺎﺭﯼ
ﮐﻮ ﺍﭘﻨﯽ ﺟﺎﻧﺐ ﻣﺘﻮﺟﮧ ﮐﺮﺗﺎ ﮨﮯ ﺍ ﻭﺭ ﮐﻼﻡ ﮐﯽ ﻧﺪﺭﺕ ﺍﻭﺭﺗﺎﺛﯿﺮﮐﺎ ﮐﺮﺷﻤﮧ ﺩﺍﻣﻦ
ﺩﻝ ﮐﮭﯿﻨﭽﺘﺎ ﮨﮯ ۔ﺯﻧﺪﮔﯽ ﮐﯽ ﺍﻗﺪﺍﺭ ﻋﺎﻟﯿﮧ ﺳﮯ ﻭﺍﻟﮩﺎﻧﮧ ﻣﺤﺒﺖ ﮐﺮﻧﮯ ﻭﺍﻟﮯ ﺍﺱ
ﻧﺎﺑﻐﮧ ﺀﺭﻭﺯﮔﺎﺭ ﺗﺨﻠﯿﻖ ﮐﺎﺭﮐﯽ ﺭﺣﻠﺖ ﺳﮯ ﺍﺭﺩﻭ ﺯﺑﺎﻥ ﻭ ﺍﺩﺏ ﮐﮯ ﻓﺮﻭﻍ ﮐﯽ
ﻣﺴﺎﻋﯽ ﮐﻮ ﻧﺎ ﻗﺎﺑﻞ ﺗﻼﻓﯽ ﻧﻘﺼﺎﻥ ﭘﮩﻨﭽﺎ ﮨﮯ ۔ﺍﻧﮭﻮﮞ ﻧﮯ ﺍﺭﺩﻭ ﺯﺑﺎﻥ ﻭ ﺍﺩﺏ ﺍﻭﺭ
ﺗﮩﺬﯾﺐ ﻭ ﺛﻘﺎﻓﺖ ﮐﮯ ﻟﯿﮯ ﺟﻮ ﮔﺮﺍﮞﻘﺪﺭ ﺧﺪﻣﺎﺕ ﺍﻧﺠﺎﻡ ﺩﯾﮞﺎﻧﮭﯿﮞﮩﻤﯿﺸﮧ ﯾﺎﺩ
ﺭﮐﮭﺎﺟﺎﺋﮯ ﮔﺎ ۔ﺟﺐ ﺗﮏ ﺩﻧﯿﺎ ﺑﺎﻗﯽ ﮨﮯ ﺍﻥ ﮐﯽ ﺷﺎﻋﺮﯼ ﻗﺎﺭﺋﯿﻦ ﮐﮯ ﺍﺣﺴﺎﺱ ﻭ
ﺍﺩﺭﺍﮎ ﮎ ﻭﻣﮩﻤﯿﺰ ﮐﺮﮐﮯ ﺍﺫﮨﺎﻥ ﮐﯽ ﺗﻄﮩﯿﺮ ﻭ ﺗﻨﻮﯾﺮﮐﺎ ﺍﮨﺘﻤﺎﻡ ﮐﺮﺗﯽ ﺭﮨﮯ ﮔﯽ ۔
ﺣﺮﯾﺖ ﻓﮑﺮ ﮐﮯ ﺍﺭﻓﻊ ﺟﺬﺑﺎﺕ ﺳﮯ ﻣﺰﯾﻦ ﯾﮧ ﺷﺎﻋﺮﯼ ﮨﺮ ﺩﻭﺭ ﻣﯿﮟ ﺍﻧﺴﺎﻧﯽ
ﺟﺬﺑﺎﺕ ﮐﯽ ﺗﮩﺬﯾﺐ ﻭ ﺗﺰﮐﯿﮧ ﮐﺮﮐﮯ ﻗﺎﺭﺋﯿﻦ ﮐﮯ ﺷﻌﻮﺭﮐﻮﻣﺴﺮﺕ ،ﺳﮑﻮﻥ ﺍﻭﺭ
ﺣﺮﯾﺖ ﺿﻤﯿﺮ ﺳﮯ ﺟﯿﻨﮯ ﮐﯽ ﺭﺍﮦ ﺩﮐﮭﺎﺗﯽ ﺭﮨﮯ ﮔﯽ ۔ﺍﻥ ﮐﯽ ﺷﺎﻋﺮﯼ ﮐﺎ ﺍﯾﮏ
ﻋﺎﻟﻢ ﻣﺪﺍ ﺡ ﮨﮯ ۔ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﺍﻥ ﮐﯽ ﺷﺎﻋﺮﯼ ﮐﯽ ﮨﻤﮧ ﮔﯿﺮ
ﻣﻘﺒﻮﻟﯿﺖ ﻣﯿﮟ ﺍﺿﺎﻓﮧ ﮨﻮﺗﺎ ﭼﻼ ﺟﺎﺋﮯ ﮔﺎ ۔

اس خبر پر اپنی رائے کا اظہار کریں